މޯލްޑީވިއަން ޑިމޮކްރަޓިކް ޕާޓީ (އެމްޑީޕީ)ގެ ހަރުގެ ޖަލްސާއެއް މިރޭ ކްލަބްހައުސްގައި ބޭއްވުމަށް އެޕާޓީން ނިންމައިފިއެވެ.
އެމްޑީޕީން މައުލޫމާތު ދީފައިވާ ގޮތުގައި ކްލަބްހައުސްގައި ހަރުގެ ޖަލްސާ ފެށުމަށް ހަމަޖެހިފައިވަނި މިރޭ 08:30 ގައެވެ.
މި ހަރުގެޖަލްސާގައި އެމްޑީޕީގެ ފަރާތުން މެމްބަރު އަލީ ނިޔާޒް، ޗެއާޕާސަން ހަސަން ލަތީފް އަދި ނައިބު ރައީސް މުހައްމަދު ޝިފާޒް ބައިވެރިވާނެ ކަމަށް އެ ޕާޓީން މައުލޫމާތު ދީފައިވެއެވެ.
“MDP Haruge Jalsaa” with MDP Secretariat, Ali Niyaz, Hassan Latheef and Mohamed Shifaz. Today, 6 Jul at 8:30 pm GMT 5 on @clubhouse! https://t.co/XepqPI4YUy
— Mariyam Zubair (@MandhyZubair) July 6, 2021
އެމްޑީޕީން ކްލަބްހައުސްގައި އެ ޕާޓީގެ ހަރުގެ ޖަލްސާއެއް ވެސް މިފަހުން ބާއްވާފައިވެއެވެ. އެ ޖަލްސާގައި އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު ބައިވެރިވެވަޑައިގެން ވާހަކަ ދައްކަވާފައިވާއިރު، އެ ޖަލްސާގައި ގިނަ ބަޔަކު ބައިވެރިވެފައިވެއެވެ.