ވެރިކަމަށް ދަހިވެހިވުމަކީ ފަރުވާ ހޯދަންޖެހޭ ބައްޔެއްކަމަށް މަޑުއްވަރީ ދާއިރާގެ ކުރީގެ މެމްބަރު އަދި ރާއްޖެއިން ޖަޕާނަށް ކަނޑައަޅުއްވާފައި ހުންނަވާ ޑެޕިއުޓީ އެމްބެސެޑަރު މުހައްމަދު އަމީތު ވިދާޅުވެއްޖެއެވެ.
އަމީތް ކުރެއްވި ޓްވީޓެއްގައި ވަނީ ރާއްޖޭގައި ވެރިކަން ކޮށްފަ ތިބި ވެރީން، ވެރިކަމަށް ދަހިވެތި ވުމަކީ ޕްރޮފެޝަން ކަމުގައި، ނުވަތަ އެއީ ކެރިއަރ އެއްގެ ގޮތުގަ ދެކެނީ ކީއްވެތޯ ސުވާލު އުފައްދަވާފައެވެ.
އަދި ވިދާޅުވެފައިވަނީ ވެރިކަމަށް ދަހިވެތި ވުމަކީ ޕްރޮފެޝަނެއް ނުވަތަ ކެރިއަރއެއްވެސް ނޫންކަމަށާއި، އެއީ ފަރުވާ ހޯދަންޖެހޭ ބަލިމަޑުކަމެއްކަމަށެވެ.
ރާއްޖޭގަ ވެރިކަން ކޮށްފަ ތިބި ވެރީން، ވެރިކަމަށް ދަހިވެތި ވުމަކީ ތިމާގެ ޕްރޮފެޝަން ކަމުގަ، ނުވަތަ އެއީ ކެރިއަރ އެއްގެ ގޮތުގަ މިދެކެނީ ކީއްވެބާ؟
ހަގީގަތަކީ، އެއީ ޕްރޮފެޝަން އެއްވެސް ނޫން، ކެރިއަރ އެއްވެސް ނޫން، އެއީ. ފަރުވާ ހޯދަންޖެހޭ ބަލިމަޑު ކަމެއް.
— Mohamed Ameeth (@MohamedAmeeth) July 18, 2021
އަމީތު މިފަދައިން ވިދާޅުވެ ޓްވީޓް ކުރައްވާފައިމިވަނީ އެމްޑީޕީގެ ތެރޭގައި ބައިބައިވުންއުފެދި ކުރީގެ ރައީސް މުހައްމަދު ނަޝީދު ރައީސް އިބްރާހިމް މުހައްމަދު ސޯލިހަށް ފާޅުގައި ފާދުވިދާޅުވެ ސަރުކާރާއި ދުރައްޖެހި އެހެންގޮތެއް ހޯދާކަން ހާމަކުރައްވާފައިވާ ދަނޑިވަޅެއްގައެވެ. ބޮޑަށް ބެލެވޭ ގޮތުގައި އަމީތުގެ މި ޓްވީޓަކީ ރައީސް މުހައްމަދު ނަޝީދަށް އަމާޒުކޮށް ކުރައްވާފައިވާ ޓްވީޓެކެވެ.