ފުލުހުންނަށް ދޭނޭ ބަޔާނަކަށްވެސް އޮތީ ޖާނާ ހިތާއި މޭ ކަމަށް ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ އެމަނިކުފާނުގެ ބަހަކީވެސް އަދި ބަޔާނަކަށްވެސް ދައްކަންއޮތް އެއްޗަކީ އެމަނިކުފާޏުގެ "ޖާނާއި ހިތާ މޭ" ކަމަށެވެ.
"ޝާއިރު ވިދާޅުވިފަދައިން ހިތާމޭ ހިބައިން ލިޔެދިނީމާވެސް ނުވީ ނޫންތޯ؟" ކޮމިޝަނަރ އޮފް ޕޮލިސް މުހައްމަދު ހަމީދް ޓެގް ކުރައްވާ ރައީސް ނަޝީދު ކުރެއްވި ޓްވީޓްގައިވެއެވެ.
Alhugandu ge bahakavves bayaanakavves dhakkan othee alhugandu ge jaanaai hithaa mey. Shairu vidhaalhuvi fadhain, hithaa mey hibain liye dhineemaaves nuvee noonthoa? @M_Hameedh
— Mohamed Nasheed (@MohamedNasheed) July 25, 2021
ރައީސް ނަޝީދަށް ދިން ހަމަލާއާ ގުޅިގެން ފުލުހުން ރޭ ބޭއްވި ޕްރެސް ކޮންފަރެންސްގައި ހާމަކޮށްފައިވާ މައުލޫމާތުތަކަށް ރައީސް ސޯލިހަށް ތާއިދުކުރާ ފަރާތްތަކުން ތައުރީފް ކުރަމުން އަންނައިރު، ރައީސް ނަޝީދަށް ތާއީދުކުރާ ފަރާތްތަކުން އަންނަނީ ބައެއް ކަންކަމާއި ގުޅޭގޮތުން ސުވާލު އުފައްދަމުންނެވެ. އެގޮތުން ހަމަލާއަށް ބަޔަކު ފަންޑް ކުރި ކަމަށް ނުބެލެވޭކަމަށް ފުލުހުން ބުނެފައިވާތީ އެކަމާއި މެދު ރައީސް ނަޝީދަށް ތާއީދުކުރާ ފަރާތްތަކުން އަންނަނީ ސުވާލު އުފައްދަމުންނެވެ.