ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް އެމްޑީޕީގެ ޕާލިމެންޓަރީ ގްރޫޕްގެ ލީޑަރު އަލީ އާޒިމްއާ ބައްދަލުކުރައްވައިފިއެވެ.
މި ބައްދަލުކުރެއްވުމާއި ގުޅޭގޮތުން އަލީ އާޒިމް ވިދާޅުވީ، މި ބައްދަލުކުރެއްވުމުގައި ސަރުކާރުގެ ލެޖިސްލޭޓިވް އެޖެންޑާއާ ގުޅޭގޮތުން މަޝްވަރާކޮށް ވާހަކަ ދެކެވުނު ކަމަށެވެ.
މީގެއިތުރުން ރައްޔިތުންގެ މަޖިލީހާއި އެހެން އިދާރާތަކާއި ގުޅިގެން މަސައްކަތް ކުރުމާ ގުޅޭގޮތުން މަޝްވަރާ ކުރެވުނު ކަމަށްވެސް އާޒިމް ވިދާޅުވިއެވެ.
Met with HEP @ibusolih this evening, to discuss about the legislative agneda of the government. It was a fruit full meeting and look forward to strengthen the cooperation between the parliament and other institutions pic.twitter.com/D3UfOjd3Tj
— 𝐀𝐥𝐢 𝐀𝐳𝐢𝐦 (@aliaazim) July 26, 2021
އެމްޑީޕީގެތެރޭގައި އުފެދިފައިވާ ނުތަނަވަސްކަމުގައި އެންމެ ފަހުން ބޭއްވި ޤައުމީ މަޖިލީހުގެ ޖަލްސާގައިވެސް އަލީ އާޒިމް ވަނީ ސަރުކާރާއި ޕާޓީއާ ވާހަކަނުދެކެވޭކަން ފާހަގަކުރައްވާފައެވެ.
ރައްޔިތުންގެ މަޖިލީހުގައި އެމްޑީޕީގެ ސުޕަމެޖޯރިޓީ އޮންނައިރު ރައީސް މުހައްމަދު ނަޝީދަށް ތާއީދުކުރާ ފަރާތްތަކާއި ރައީސް ސޯލިހަށް ތާއީދުކުރާ ފަރާތްތަކާއި ދެމެދު ހާއްސަކޮށް މަޖިލިސް މެމްބަރުންގެ މެދުގައި އުފެދިފައިވާ ނުތަނަވަސްކަން ވަނީ ބޮޑުވެފައެވެ.