ކަރަންޓު ބިލު ބޮޑުވެ މާލޭގައި ދިރިއުޅޭ ފަރާތްތަކުން އުފުލަންޖެހޭ ތަކުލީފަކީ ކުރީ ސަރުކާރުން ކަންކުރިގޮތުން ވާގޮތެއްކަމަށް އެމްޑީޕީ ޕާލިމެންޓަރީ ގްރޫޕގެ ލީޑަރު އަލީ އާޒިމް ވިދާޅުވެއްޖެއެވެ.
އަލީ އާޒިމް މިފަދައިން ވިދާޅުވެފައިވަނީ ކަރަންޓު ބިލު ބޮޑުވެފައިވާތީ މާލޭ މޭޔަރު ޑރ. މުހައްމަދު މުއިއްޒު ކުރި ޓްވީޓަށް ރައްދު ދެއްވައެވެ.
އަލި އާޒިމް ވިދާޅުވެފައިވަނީ ކަރަންޓު ބިލު ބޮޑުވެ މިއަދު މިޖެހޭ އުނދަގުލާ، ތަކުލީފަކީ އިއްޔެ ކަންކުރިގޮތުން ވާގޮތެއްކަމަށެވެ.
އަދި މިއަދުގެ ހާލަތު މިގޮތަށް ދިމާވެފައިވަނީ ޑރ. މުއިއްޒު ހިމެނުނު ކުރީގެ ރައީސް އަބްދުﷲ ޔާމީންގެ ސަރުކާރުގެ ކެބިނެޓުން ދެކޮޅު ނުޖެހޭ އިގްތިސާދީ ގިނަ ނިންމުންތަކެއް ނިންމުމުންކަމަށްވެސް އާޒިމް ވިދާޅުވިއެވެ.
"އިރާދަފުޅުން މާދަމައަކީ މާރަގަޅުދުވަހަކަށް ހަދާނަން." އަލީ އާޒިމްގެ ޓްވީޓްގައިވެއެވެ.
މިއަދު މިޖެހޭ އުނދަގުލާ، ތަކުލީފަކީ އިއްޔެ ކަންކުރިގޮތުން ވާގޮތެއް.
އެކަން އެގޮތައް ދިމާމިވަނީ މަނިކުފާނު އިން ކެބިނެޓަކުން ދެކޮޅުނުޖެހޭ އިގްތިޟާދީ ގިނަ ނިންމުންތަކެއް ނިންމުމުގެ ސަބަބުން.
އިރާދަފުޅުން މާދަމައަކީ މާރަގަޅުދުވަހަކަށް ހަދާނަން. https://t.co/ladHlMzcWe— 𝐀𝐥𝐢 𝐀𝐳𝐢𝐦 (@aliaazim) July 29, 2021
ކަރަންޓު ބިލު ބޮޑުވެ ރައްޔިތުންގެ ޝަކުވާ ގިނަވުމުން މުއިއްޒު ކުރެއްވި ޓްވީޓުގައި ވިދާޅުވެފައިވަނީ މި މަހުގެ ކަރަންޓު ބިލަކީ މާލޭގެ ގިނަ ރައްޔިތުންނަށް ދެއްކޭވަރަށްވުރެ ބޮޑު ބިލެއް ކަމަށެވެ. އަދި މިކަމުގެ ސަބަބުން ހާލުގައި އުޅެމުންދާ ރައްޔިތުން އިތުރަށް ހާލުގައި ޖެހޭގޮތް ވެފައިވާކަމަށާއި ރައްޔިތުން އަތުގައި ނެތް ފައިސާއަކުން ބިލް ދައްކަން ޖެހިފައިވާ ކަމަށް މުއިއްޒުގެ ޓްވީޓުގައިވެއެވެ.