އިދިކޮޅު ޕީޕީއެމް ޕީއެންސީ ކޯލިޝަންގެ ފަރާތުން ކްރިމިނަލް ކޯޓު ސަހަރައްދުގައި މުޒާހަރާ ކުރަން ފަށައިފިއެވެ.
އިދިކޮޅުން ކްރިމިނަލް ކޯޓު ސަރަހައްދުގައި މުޒާހަރާ ކުރަން ފަށާފައިވަނީ ކުރީގެ ރައީސް އަބްދުﷲ ޔާމީންގެ ޝަރީއަތް މިއަދު ކްރިމިނަލް ކޯޓުގައި ކުރިއަށްގެންދާގޮތަށް ތާވަލުކޮށްފައި އޮތުމުންނެވެ.
އިދިކޮޅުން ކުރިއަށްގެންދާ މުޒާހަރާގައި ޕީޕީއެމް ޕީއެންސީ ލީޑަރޝިޕްގެ އިސްބޭފުޅުންނާއި ސަޕޯޓަރުން އަންނަނީ ބައިވެރިވަމުންނެވެ. އެސަރަހައްދުގައި ހަރަކާތްތެރިވާ ލީޑަރޝިޕްގެ ބޭފުޅުންގެ ތެރޭގައި ޕީއެންސީގެ ރައީސް އަބްދުއްރަހީމް އަބްދުﷲ މަޑުއްވަރީ ދާއިރާގެ މެމްބަރު އާދަމް ޝަރީފް އަދި މާލެ މޭޔަރު ޑރ. މުހައްމަދު މުއިއްޒު ހިމެނިވަޑައިގަންނަވައެވެ.
ކްރިމިނަލް ކޯޓު ސަރަހައްދަށް އެއްވެތިބި ފަރާތްތަކުން އަންނަނީ ރައީސް ޔާމީން މިނިވަން ކުރުމަށް ގޮވާލާ އަޑުގަދަ ކުރަމުންނެވެ.
ރ. ފުއްގިރި މައްސަލައިގައި ރައީސް ޔާމީންގެ މައްޗަށް އުފުލާފައިވަނީ ރިޝްވަތު ޤަބޫލުކުރުމާއި މަނީ ލޯންޑްރިންގެ ދައުވާއެވެ.