ހިޔާ ފްލެޓްތަކުގެ އެއްބަސްވުންތަކުގައި ސޮއި ކުރުމުގެ މަސައްކަތް އަލުން ފަށައިފިއެވެ.
އެއްބަސްވުންތަކުގައި ސޮއި ކުރުމުގެ މަސައްކަތް މެދުކަނޑާލީ އެ މަސައްކަތުގައި އުޅުނު އެޗްޑީސީގެ މުވައްޒަފަކު ކޮވިޑް-19 އަށް ޕޮޒިޓިވް ވުމާ ގުޅިގެން މިދިޔަ ބުދަ ދުވަހުއެވެ.
ރައްކާތެރިކަމުގެ ފިޔަވަޅުތަކާ އެކު މިއަދު ހެނދުނު 9:30 ގައި ސޮއި ކުރުމުގެ ކަންކަން ފަށާފައިވާއިރު، އެޗްޑީސީން ވަނީ ސޮއިކުރުމުގެ ކަންކަން ކުރިއަށްދާނެ ގޮތުގެ ތާވަލެއްވެސް އާންމުކޮށްފައެވެ. އަދި އެ ފަރާތްތަކަށް ހާއްސަކުރެވިފައިވާ ވަގުތުގައި އައުމަށްވެސް އިލްތިމާސްކޮށްފައިވެއެވެ.
ހިޔާ މަޝްރޫއުގެ ދަށުން ފުލެޓް ލިބިފައިވާ ފަރާތްތަކާއިއެކު އެއްބަސްވުމުގައި ސޮއިކުރުމުގެ ކަންތައްތައް އަލުން ފަށާ ކުރިއަށް ދާނެ ގޮތުގެ ތާވަލު. pic.twitter.com/Mi0xX6Kbhm
— HDC (@hdcmaldives) August 6, 2021
އެޗްޑީސީން ވަނީ މިމަހުގެ 18 ވަނަ ދުވަހާ ހަމަޔަށް އެއްބަސްވުންތަކުގައި ސޮއިކުރުމުގެ މަސައްކަތްތައް ކުރިއަށް ގެންދިއުމަށް ނިންމާފައެވެ.