ކުޅުދުއްފުށިސިޓީ އެއާޕޯޓް މައްސަލައިގައި ސަރުކާރުން އަމަލުކުރާގޮތުން ކުޅުދުއްފުށި އުތުރު ދާއިރާގެ މެމްބަރު ޔާސިރް އަބްދުއްލަތީފް ނުރުހުން ފާޅުކުރައްވައިފިއެވެ.
ޔާސިރު ކުރެއްވި ޓްވީޓެއްގައި ވިދާޅުވެފައިވަނީ ކުރީގެ ރައީސް އަބްދުﷲ ޔާމީންގެ ނުފުއްދާ އޮތް ވައުދު މި ސަރުކާރުން ފުއްދި ކަމަށާއި، އެގޮތުން ތާރުގަނޑަކުން އޮޕަރޭޝަނަލް އެއާާޕޯޓަކަށް 10 މަސް ތެރޭގައި ކުޅުދުއްފުށި އެއާޕޯޓް މި ސަރުކާރުން ބަދަލުކުރި ކަމަށެވެ.
އެހެންނަމަވެސް އިތުރަށް ކޮންމެހެން ކުރަންޖެހޭ ކަންކަން ނުކުރެވި 3 އަހަރު ވާން ދިޔުމަކީ ބަލައި ގަނެވޭނެ ކަމެއްނޫން ކަމަށްވެސް ޔާސިރު ވިދާޅުވިއެވެ.
"ކުޅުދުއްފުށި ރައްޔިތުން އަބަދުވެސް ވޯޓު ދޭނީ ތަރައްޤީއަށް" ޔާސިރްގެ ޓްވީޓްގައިވެއެވެ.
ރޔގެ ނުފުއްދާ އޮތް ވައުދު، ތާރުގަނޑަކުން އޮޕަރޭޝަނަލް އެއާާޕޯޓަކަށް މިސަރުކާރުން 10މަސް ތެރޭ ބަދަލުކުރި، އެހެންނަމަވެސް އިތުރަށް ކޮންމެހެން ކުރަންޖެހޭ ކަންކަން ނުކުރެވި 3 އަހަރު ވާން ދިޔުމަކީ ބަލައި ގަނެވޭނެ ކަމެއްނޫން، ކުޅުދުއްފުށި ރައްޔިތުން އަބަދުވެސް ވޯޓު ދޭނީ ތަރައްޤީއަށް
— Yasir Abdul Latheef (@YasirLathyf) August 6, 2021
ރައީސް އިބްރާހިމް މުހައްމަދު ސޯލިހް މިފަހުން ވަނީ ކުޅުދުއްފުށިސިޓީއަށް ޒިޔާރާތްވެސް ކުރައްވާފައެވެ. އެގޮތުން އެ ދަތުރުފުޅުގައި ކުޅުދުއްފުށީ ތަރައްޤީގެ މަސައްކަތްތަކާއި، މަގުހެދުމާއި، ސިއްހީ ދާއިރާ އަދި ބޯހިޔާވަހިކަމުގެ ދާއިރާއާ ގުޅުންހުރި ކަންކަމާ ގުޅޭގޮތުން މަޝްވަރާ ކުރައްވާފައިވެއެވެ.