މުސުމީ ބަދަލުތަކާ ގުޅިގެން ރާއްޖެ ނެތިދާނެކަމުގެ ބޮރު ބޮޑުވެފައިވާކަމަށް ރައްޔިތުންގެ މަޖިލީހުގެ ރައިސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިފަދައިން ވިދާޅުވެފައިވަނީ ދުނިޔޭގެ މޫސުމަށް އަންނަ ބަދަލުތަކާ ގުޅޭ ރިޕޯޓެއް ހިއްސާ ކުރައްވާ ކުރެއްވި ޓްވީޓުގައެވެ.
އެގޮތުން ރައީސް ނަޝީދު ވިދާޅުވީ އެ ރިޕޯޓަކީ ރާއްޖެ ފަދަ ކުދިޖަޒީރާ ގައުމުތަކަށް ލިބުނު ހިތްދަތި ހަބަރެއް ކަމަށެވެ. އަދި ރާއްޖެ ނެތި ހިނގައިދާނެ ކަމުގެ ބިރު މިހާރު ބޮޑުވެފައިވާކަން މި ރިޕޯޓުން އިނގޭކަމަށް ވިދާޅުވެފައިވެއެވެ.
This report is devastating news for the most climate-vulnerable countries like the Maldives. It confirms we are on the edge of extinction. climate emergency is intensifying, we are on the front lines. Our nations are already battered by extreme climate .https://t.co/LL4DrCBbLp
— Mohamed Nasheed (@MohamedNasheed) August 9, 2021
ރައީސް ނަޝީދު ހިއްސާކުރެއްވި ލިޔުމަކީ ބީބީސީން، ޔުނައިޓެޑް ނޭޝަންސް (ޔޫއެން) އިން މޫސުމަށް އަންނަ ބަދަލުތަކާ ގުޅޭ 14،000 އަށްވުރެ ގިނަ ސައިންޓެފިކް ކަރުދާސް ދިރާސާކޮށް ތައްޔާރުކޮށްފައިވާ ރިޕޯޓެއްގެ މައްޗަށް ތައްޔާރުކޮށްފައި އޮތް ލިޔުމެކެވެ. ބީބީސީގެ ރިޕޯޓްގައި ބުނެފައިވަނީ އ.ދ އިން މޫސުމީ ބަދަލުތަކާ ގުޅިގެން އޮތް ނުރައްކާ ހާމަކޮށް ރިޕޯޓެއް ނެރުމަށް ތައްޔާރުވަމުން އަންނަކަމަށެވެ.
ބީބީސީން މި ކަރުދާސްތަކާ ހަވާލާދީ ރިޕޯޓް ކޮށްފައިވާ ގޮތުގައި މި ކުރިޔަށް އޮތް 100 އަހަރު ނުވަތަ 1000 އަހަރަށް ކަނޑުގެ ލޮނުގަނޑު އުސްވަމުން ދާނެކަމަށްވެސް ދިރާސާ ކަރުދާސްތަކުގައި ވަނީ ބުނެފައެވެ.