އައްޑޫ ޕްރޮޖެކްޓްތަކާ ގުޅޭގޮތުން މާވަށު ދާއިރާގެ މެމްބަރު މުހައްމަދު ސައީދު ދެއްކެވި ވާހަކަތަކަށް އައްޑޫސިޓީ މޭޔަރު އަލީ ނިޒާރު ރައްދު ދެއްވައިފިއެވެ.
ސައީދު ކުރެއްވި ޓްވީޓެއްގައި ވިދާޅުވެފައިވަނީ ރައީސް އިބްރާޙިމް މުހައްމަދު ސޯލިހް އައްޑޫސިޓިގައި ކުރިއަށްދާކަމަށް ވިދާޅުވި 60 ޕްރޮޖެކްޓް ހޯދަން ވަރަށް މަސައްކަތް ކުރެއްވި ކަމަށެވެ. އަދި 40 ބިލިއަންގެ ބަޖެޓުގައި އައްޑޫސިޓީއަށް ވައުދުވި ކަންކަމާއި އިންޑިއާއިން ނެގި ލޯނުތަކުން ރައްޔިތުންނަށް ކޮށްދޭން ބުނި އެއްވެސް ކަމެއް ތަންފީޒުވާތަނެއް ނުފެންނަކަމަށެވެ.
"ރައްޔިތުންގެ އިތުބާރު މި ސަރުކާރަކަށް ނެތް." ސައީދުގެ ޓްވީޓްގައިވެއެވެ.
ސައީދުގެ ޓްވީޓަށް ރައްދު ދެއްވައި މޭޔަރު ނިޒާރު ކުރެއްވި ޓްވީޓްގައި ވިދާޅުވެފައިވަނީ އައްޑޫގައި ހިންގަމުން އަންނަ ޕްރޮޖެކްޓްތަކުގެ ނުވަތަ މަސައްކަތްތަކުގެ އަދަދު 70 އަށްވުރެއް އިތުރުވާނެ ކަމަށެވެ. އަދި ނިޒާރު ވަނީ ސައީދުއަށް އައްޑޫސިޓީ ކައުންސިލަށް ވަޑައިގަތުމަށްވެސް ދައުވަތު އަރުވާފައެވެ.
"އައްޑޫގައި ހިންގާ ޕްރޮޖެކްޓްތަކުގެ ތަފްސީލު ލިސްޓެއް ހިއްސާކުރާނަން. އަދި ޑީޓެއިލް ޕްރެޒެންޓޭޝަނެއް އަރުވާނަން." އަލީ ނިޒާރުގެ ޓްވީޓްގައިވެއެވެ.
Addu gai hingamun anna project thakuge nuvatha masakkai thakuge adhadhu 60 eh noon. 70 ah vure gina. Manikfaanah Addu City council ah vadai gathumah dhauvath aruvan. Addu gai hingey project thakuge thafseel list eh hissaa kuraanan.Adhi detail presentation eh aruvaanan. @addulive https://t.co/bhxl678St3
— Ali Nizar (@DhekunuNizar) August 21, 2021
ސައީދުގެ ވާހަކަތަކަށް ނިޒާރު ރައްދު ދެއްވާފައިވާއިރު ސައީދު ހިމެނޭގޮތަށް ޕީޕީއެމްގެ ޓީމެއް އަންނަނީ އައްޑޫސިޓީގައި ހަރަކާތްތެރިވަމުންނެވެ. އަދި އައްޑޫއިން ޕީޕީއެމަށް މެމްބަރުން އިތުރު ކުރުމަށްވެސް އަންނަނީ މަސައްކަތް ކުރަމުންނެވެ.