އެމްޑީޕީއަކީ ވައުދުވެ ވައުދު ފުއްދަން ނޭންގޭ ޕާޓީއެއްކަމަށް މިސަރުކާރުގެ ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް ވިދާޅުވެއްޖެއެވެ.
އިތުބާރު ނެތްކަމަށް ފާސްކޮށް މަގާމުން ދުރުކުރި ފަހުން އެމްޑީޕީއާއި ސަރުކާރަށް ފާޑުކިޔަމުން އަންނަ މަލީހް ކުރި ޓްވީޓެއްގައި ވިދާޅުވެފައިވަނީ އެމްޑީޕީއަކީ ވައުދުވެ ވައުދު ފުއްދަން ނޭންގޭ ޕާޓީއެއްކަމަށާއި، ޕީޕީއެމުން ވައުދުވެ ވައުދު ފުއްދާނެކަމަށެވެ.
"އެމްޑީޕީއަށް ވައުދު ނުފުއްދެނީ އަޚްލާގު ދަށްވީމަ." މަލީހްގެ ޓްވީޓްގައިވެއެވެ.
މަލީހްގެ ޓްވީޓްގައި އޭނާ ވަނީ ސަރުކާރު އިސްތިއުފާ ދިނުމަށްވެސް ގޮވާލާފައެވެ.
އެމްޑީޕީއާއި ޕީޕީއެމްގެ ތަފާތު. އެމްޑީޕީއަކީ ވަޢުދުވެ ވަޢުދު ފުައްދަން ނޭގޭ ޕާޓީއެއް. ޕީޕީއެމް ވަޢުދުވެ ވަޢުދު ފުއްދާނެ. އެމްޑީޕީއަށް ވައުދު ނުފުއްދެނީ އަޚްލާގު ދަށްވީމަ. އާޒިމާއި ސަރުކާރު އިތުރު ބަހަނާ ނުދައްކަވާ އިސްތިއުފާ ދެއްވާ ރައްޔިތުންނާއި ޤައުމު ހަވާލު ކުރައްވާ. pic.twitter.com/nFDqpv2XWe
— Mohamed Maleeh Jamal (@maleehjamal) August 28, 2021
އިތުބާރު ނެތްކަމަށް ފާސްކޮށް މަގާމުން ދުރުކުރި ފަހުން މަލީހް އަންނަނީ ސަރުކާރާއި އެމްޑީޕީއަށް ނުހަނު ބޮޑަށް ފާޑުކިޔަމުންނެވެ. އަދި އޭނާ މަގާމާއި ހަވާލުވިއިރު ހުރި ޖުމްހޫރީ ޕާޓީން ވަކިވެ މިހާރުވަނީ ޕީޕީއެމާވެސް ގުޅިފައެވެ.