ރައްޔިތުންގެ މަޖިލީހަށް ސަރުކާރުގެ ފަރާތުން ހުށަހަޅާފައިވާ ދެ ބިލަކަށް ހިޔާލު ހޯދުމަށް ހުޅުވާލައިފިއެވެ.
އާންމުންގެ ހިޔާލު ހޯދުމަށް ހުޅުވާލައިފައިވަނީ ދިވެހިރާއްޖޭގެ ފަޅުރަށްރަށާ ބެހޭ ޤާނޫނަށް އިސްލާހު ގެނައުމުގެ ބިލާއި ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާއި ބެހޭ ޤާނޫނަށް އިސްލާހު ގެނައުމުގެ ބިލެވެ.
މި ދެ ބިލަށް ހިޔާލެއް ނުވަތަ ކޮމެންޓެއް އޮތްނަމަ 1 ސެޕްޓެމްބަރު 2021 ވަނަ ދުވަހުގެ 08:00 ގެ ކުރިން މެއިލް ކުރުމަށް ވަނީ އެދިފައެވެ.
"ޤާނޫނު ނަންބަރު 4/93 (ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާއި ބެހޭ ޤާނޫނު) އަށް އިޞްލާޙު ގެނައުމުގެ ބިލު" އަށް ޚިޔާލު ހޯދުމަށް ހުޅުވާލުން
ބިލު ބައްލަވާލެއްވުމަށް:https://t.co/ZUra6P058W pic.twitter.com/sKbLy3vICy
— People's Majlis (@mvpeoplesmajlis) August 26, 2021
ދިވެހިރާއްޖޭގެ ތިމާވެށި ރައްކާތެރިކޮށް ދެމެހެއްޓުމާއި ބެހޭ ޤާނޫނަށް އިސްލާހު ގެނައުމުގެ ބިލު ސަރުކާރުގެ ފަރާތުން މަޖިލީހަށް ހުށަހަޅާފައިވަނީ އިހަވަންދޫ ދާއިރާގެ މެމްބަރު މުހައްމަދު ޝިފާއުއެވެ. އަދި ދިވެހިރާއްޖޭގެ ފަޅުރަށްރަށާ ބެހޭ ޤާނޫނަށް އިސްލާހު ގެނައުމުގެ ބިލަށް ސަރުކާރުގެ ފަރާތުން އިސްލާހު ހުށަހަޅާފައިވަނީ ބާރަށު ދާއިރާގެ މެމްބަރު އަހުމަދު އަބްދުﷲ އެވެ. މި ދެ ބިލުވެސް މިވަގުތު އޮތީ ކޮމިޓީ މަރުހަލާގައެވެ.