މޯލްޑީވިއަން ޑިމޮކްރަޓިކް ޕާޓީ (އެމްޑީޕީ)ގެ އޮފީހުގައި މާރާމާރި ހިންގުން ބަލައި ނުގަނެވޭނެކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ އެ ކަމަކީ ބަލައިގަނެވޭނެ ކަމެއް ނޫންކަމަށާއި، އެކަންކުރި މީހުން ހައްޔަރުކޮށް އަނިޔާއާއި ގެއްލުންވި ފަރާތްތަކަށް އިންސާފު ލިބެންޖެހޭކަމަށެވެ.
MDP Office gai maaraamaari hingun balaeh nuganeveyne. Ekankuri meehun hayyarukoh aniyaa aai gellunvi faraiythakah insaaf libeyn jeheyne. Office staff @MandhyZubair aai Shamin ah avas shifa akah edhen
— Mohamed Nasheed (@MohamedNasheed) September 2, 2021
އެމްޑީޕީ އޮފީހުގައި ހިންގި މާރާމާރިއެއްގައި އަނިޔާވެފައިވަނީ އެމްޑީޕީ އޮފީހުގައި އިދާރީ މުވައްޒަފެެއްގެ ގޮތުން މަސައްކަތް ކުރަމުން އަންނަ މެންބަރު މީކާއިލް ނަސީމްގެ މަންމަ، މަންދީ ޒުބައިރަށެވެ. މައުލޫމާތު ލިބިފައިވާ ގޮތުގައި ހަމަލާ ދިނުމުގެ ސަބަބުން މަންދީގެ ބޯ ފަޅައިގެން ގޮސްފައިވެއެވެ. އަދި އޭނާއަށް އަންނަނީ އޭޑީކޭ ހޮސްޕިޓަލުގައި ފަރުވާ ދެމުންނެވެ.
ފުލުހުން ބުނެފައިވަނީ މިމައްސަލަ އިތުރަށް ތަހުގީގު ކުރަމުން އަންނަކަމަށެވެ.