އިދިކޮޅު ޕީޕީއެމުން ބާއްވާ ޖަލްސާތަކުގައި އިންޑިއާއަށް ކުޑައިމީސް ބަސް ރައްދުކުރުމުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ކަންބޮޑުވުން ފާޅުކުރައްވައިފިއެވެ.
ރައިސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ ޕީޕީއެމްގެ އާންމު ޖަލްސާތަކުގައި އަވައްޓެރި ގައުމުތަކަށް ނިސްބަތްކޮށް ކުޑައިމީސް ބަސްތަކުން ވާހަކަ ދެއްކުމަކީ ކަންބޮޑުވުން އިތުރުވާކަމެއްކަމަށެވެ.
އިންޑިއާއަކީ ޒަމާނުއްސުރެއް ރާއްޖެއަށް އެންމެ އެހީތެރިވާ ގައުމުކަން ފާހަގަކޮށް ރައީސް ނަޝީދު ވިދާޅުވީ، އިންޑިއާ ކަނޑުގެ ސުލްހަ ބެލެހެއްޓުމުގައި ވެސް އެންމެ އިސް ދައުރެއް ކުޅޭ ގައުމަކީ އިންޑިއާކަމަށެވެ.
PPM ge aanmu jalsa thakuga avatteri qawmthakah nisbaikoh kudaimees basthakun vaahaka dhakkavakamee kanboduvun ithuruva kameh. India akee zamaanuhsureh Raajje ah enme eheetherivaa qawm. Adhi India kanduge sulha belehettumuga enme isdhaureh kuley qawm.
— Mohamed Nasheed (@MohamedNasheed) September 4, 2021
ޕީޕީއެމުން ރޭ ބޭއްވި ޖަލްސާގައި އިންޑިއާއަށް ނުހަނު ބޮޑަށް ފާޑުކިޔާފައިވެއެވެ. އެގޮތުން އިންޑިއާއިން ދިވެހިން އަޅުވެތި ކުރާނެކަމަށް ބުނެ އިންޑިއާއަށް އަދި އިންޑިއާގެ އެހިތެރިކަމާއެކު ކުރިއަށްގެންދާ ތަރައްޤީގެ މަޝްރޫއުތަކަށް ފާޑުކިޔާފައިވެއެވެ.