ސިވިލް ސާވިސް މުވައްސަފުން އިހުތިޖާޖް ކުރުމުގެ ގޮތުގައި އާދީއްތަ ދުވަހު ކަޅު ހެދުމުގައި ވަޒީފާއަށް ނިކުތުމަށް ނިންމައިފިއެވެ.
ދިވެހި ސިވިލް ސާވެންޓްސް އެސޯސިއޭޝަނުން އިންތިޒާމުކުރާ މި އިހުތިޖާޖު މުޅި ރާއްޖޭގައި ކުރިއަށްގެންދިއުމަށް ވަނީ ނިންމާފައެވެ.
ސިވިލް ސާވެންޓުން އިހުތިޖާޖެއް ރާވައިމިވަނި އެ ފަރާތްތަކުގެ ގިނަ ކަންބޮޑުވުންތަކެއް ހުރެ އެކަމަށް ހައްލެއް ނުލިބި ގިނަ ދުވަސްވުމުންކަމަށް އެ ފަރާތްތަކުން ބުނެއެވެ.
އެގޮތުން ފާހަގަކުރާ ކަންކަމުގެ ތެރޭގައި ސެޓްފިކެޓަަށް ވަޒީފާގެ ކުރިއެރުން ދިނުމާއި، ލިވިން އެލަވެންސް ދިނުމާއި، އެންމެ ކުޑަ އުޖޫރަ ހަމަޖެއްސުމުގެ ކަންކަން އަވަސްކުރުމުގެ އިތުރުން މުވައްޒަފުންގެ މުސާރައަށް ހެޔޮ ބަދަލެއް ގެނައުން ހިމެނެއެވެ.
އާދީއްތަ ދުވަހު ކަޅު ހެދުމުގައި ވަޒީފާއަށްނިކުމެ އިހުތިޖާޖު ކުރުމަށްފަހު އެކަމަށް ސަރުކާރުން ޖަވާބެއް ނުލިބިއްޖެނަމަ ހޯމަ ދުވަހު މަސައްކަތްތައް ހުއްޓާލާނެކަމަށް ބުނެފައިވެއެވެ.