މޯލްޑިވިއަން ޑިމޮކްރަޓިކް ޕާޓީ (އެމްޑީޕީ)ގެ މެމްބަރުން އިއްޔަ ކޮށްފައިވަނީ ގައުމީ ހިދުމަތެއް ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވަނީ އެމްޑީޕީގެ އެތެރޭގެ އިންތިހާބު ކާމިޔާބު ކުރެއްވި ފަރާތްތަކަށް މަރުހަބާ ވިދާޅުވެފައެވެ.
އަދި ވިދާޅުވީ ޑިމޮކްރަސީގެ ރޫހުގައި ކުރެއްވި މަސައްކަތަކީ ޕާޓީއަށާއި، ގައުމަށް ކޮށްދެއްވި މަތިވެރި ހިދުމަތެއްކަމަށެވެ.
MDP dhaairathakuge inthikhaabgai kaamiyaab hoadhevi huriha memberunnah varah marhaba. Democracy ge rooh gai thiya kurevvi masakkathakee party ashaai qaumah kohdhevvi mathiveri khidhmatheh
— Mohamed Nasheed (@MohamedNasheed) September 26, 2021
އެމްޑީޕީގެ އެތެރޭގެ އިންތިހާބު އިއްޔަ ބާއްވާފައިވާއިރު އިންތިހާބުގައި ވާދަކުރެއްވި މިނިސްޓަރުންނާއި ކުންފުނިތަކުގެ އެމްޑީން ވަނީ އިންތިހާބު ކާމިޔާބުކުރައްވާފައެވެ.
އިންތިހާބުގެ ރަސްމީ ނަތީޖާ އަަދި އިއުލާނުކޮށްފައިނުވާއިރު ގިނަ ފަރާތްތަކަކުން ބުނަމުން އަންނަނީ މިހާރުގެ ނަތިޖާއިން އިންތިހާބު ކާމިޔާބު ކުރެއްވީ "ރައީސް ސޯލިހް ފެކްޝަން"ގެ ބޭފުޅުންކަމަށެވެ.