މާލޭ އިއްޒުއްދީން ފާލަމާ ދިމާލުން ބޭރުތޮށީގައި މަސްބާނަން ހުރި މީހަކު ވަޔާއެކު މޫދަށް ވެއްޓި، ލިބުނު ޒަހަމްތަކަށް ފަރުވާދެމުން ދަނިކޮށް މަރުވެއްޖެއެވެ.
ފުލުހުން ބުނެފައިވަނީ ބޭރުތޮށީގައި މަސްބާނަން ހުރި މީހަކު ވަޔާއެކު މޫދަށް ވެއްޓިގެން އެކަމުގެ މައުލޫމާތު ލިބިފައިވަނީ ހެނދުނު 06:05 ހާއިރު ކަމަށެވެ. އަދި އޭނާ ހޮސްޕިޓަލަށް ގެންގޮސް ފަރުވާދެމުން ދަނިކޮށް ނިޔާވެފައިވާކަމަށާއި، އެނާ ނިޔާވެފައިވަނީ 07:20 ހާއިރު ކަމަށެވެ.
މައުލޫމާތު ލިބިފައިވާ ގޮތުގައި މަރުވެފައިވަނީ ދިވެހި ފިރިހެނެކެވެ.
ރާއްޖެ ސަރަހައްދުގެ މޫސުން ގޯސް ބޮޑުބަޔަކަށް ފަތިހުން ފެށިގެން ވަނީ ވައިޓް އެލާޓް ނެރެފައެވެ.