ރާއްޖެ އައި ފަތުރުވެރިންގެ އަދަދު 960،000 އަށްވުރެއް މައްޗަށް އަރައިފިއެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން އޮކްޓޫބަރު މަހުގެ 21 ވަނަ ދުވަހުގެ ނިޔަލަށް ރާއްޖެއަށްވަނީ 962،490 ފަތުރުވެރިން ޒިޔާރާތްކޮށްފައެވެ.
Weekly updates on #Maldives tourism,
22 October 2021https://t.co/75QWi7QcD0 pic.twitter.com/VpTfKNelEA— Ministry of Tourism (@MoTmv) October 22, 2021
މީގެތެރެއިން އެންމެ ގިނަ ފަތުރުވެރިން ރާއްޖެއަށް ޒިޔާރާތްކޮށްފައިވަނީ އިންޑިއާއިންނެވެ. އެގައުމުން ރާއްޖެއަށް 219،381 ފަތުރުވެރިން ރާއްޖެއަށް ޒިޔާރާތްކޮށްފައިވާއިރު، ދެވަނައަށް އެންމެ ގިނަ ފަތުރުވެރިން ޒިޔާރަތްކޮށްފައިވާ ރަޝިޔާއިން 180،517 ފަތުރުވެރިން ޒިޔާރާތްކޮށްފައިވެއެވެ.
މީގެއިތުރުންވެސް ރާއްޖެއަށް އެންމެ ގިނަ ފަތުރުވެރިން އަންނަ މަންޒިލްތަކުގެ ތެރޭގައި ޖަރމަނީ، އެމެރިކާ، ސައުދިއަރަބިއްޔާ، ޔޫކްރެއިން، ސްޕެއިން، އިނގިރޭސިވިލާތް އަދި ފްރާންސް ހިމެނެއެވެ.
ޓޫރިޒަމް މިނިސްޓްރީން މިއަހަރު އަމާޒު ހިފާފައިވަނީ އެއް މިލިއަން ފަތުރުވެރިން ރާއްޖެއަށް ގެނައުމަށެވެ.