އުތުރުތިލަފަޅު އެއްބަސްވުމުގައިވާ ކަންކަމުގެ މައުލޫމާތު ސަރުކާރުން ރައްޔިތުންނަށް ސާފުކޮށްދިނުން ބޭނުންތެރިކަމަށް އެމްޑީޕީގެ ޗެެއާޕާސަން ހަސަން ލަތީފް ވިދާޅުވެއްޖެއެވެ.
ހަސަން ކުރެއްވި ޓްވީޓެއްގައި ވިދާޅުވެފައިވަނީ، އުތުރުތިލަފަޅު އެއްބަސްވުމުގައިވާ ކަންކަމުގެ މައުލުމާތު ރައްޔިތުންނަށް ސާފުކޮށްދިނުން މުހިންމު ކަމަށާއި، ފޮރުވައިގެން ސިއްރުން ކަމެއް ކުރަން ނޫޅޭކަން ސާފުކޮށްދޭންޖެހޭކަމަށެވެ.
އަދި އިންޑިއާގެ އެހީތެރިކަން ސަރުކާރުން ހޯދާގޮތްތަކުގެ މައުލޫމާތު ރައްޔިތުންނަށް ސާފުކޮށްދިނުމަކީ ބޭނުންތެރިކަމެއްކަމަށް ދެކޭކަމަށްވެސް ވިދާޅުވެފައިވެއެވެ.
UTF Ebbasvumugaiva kankamuge mauloomath Sarukarun Rayyithunnah saafu kohdhinumakee beynun theri kameh. Foruvaigen sirrun kankan kuran noolhey kamaa, India ge eheethrikan Sarukarun hoadhaa goiy thakuge mauloomath Rayyithunnah saafu kohdhevumakee beynun theri kameh.
— Hassan Latheef🎈 (@HassanLatheef) November 13, 2021
ހަސަން ލަތީފް މިފަދައިން ޓްވީޓްކުރެއްވިއިރު، ރާއްޖޭގައި ތިބި ކަމަށް ބުނާ އިންޑިއާ ސިފައިން ބޭލުމަށް ގޮވާލާ އިދިކޮޅު ޕްރޮގްރެސިވް ކޮންގްރެސް ކޯލިޝަނުން ހިނގާލުން އިއްޔަ ކުރިއަށް ގެންގޮސްފައިވެއެވެ.
މި ހިނގާލުމުގެ ބައިވެރިން ވަނީ އިންޑިއާ ސިފައިން ރާއްޖެ އިން ބޭރުކުރުމަށާއި ރާއްޖޭގެ މިނިވަންކަމަށް ބުރޫއަރާ ގޮތަށް ހަދާފައިވާ އެއްބަސްވުންތައް ބާތިލުކޮށް އެފަދަ އަމަލުތައް ކުރުން ހުއްޓާލުމަށް ގޮވާލަމުންނެވެ.