މޫސުން ގޯސްވާނެތީ ރާއްޖޭގެ އުތުރަށް ޔެލޯ އެލާޓް ނެރެފިއެވެ.
މޫސުމާ ބެހޭ ގައުމީ އިދާރާއިން ޔެލޯ އެލާޓް ނެރެފައިވަނީ ހއ. އަތޮޅުން ފެށިގެން ބ. އަތޮޅާއި ދެމެދުގެ ރަށްތަކަށް ހެނދުނު 10:30 އިން މެންދުރުފަހު 15:30 އާ ހަމައަށެވެ.
މެޓް އޮފީހުން ބުނެފައިވަނީ މިވަގުތުތަކުގައި ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކުރެވޭ ކަމަށެވެ.
Yellow Advisory for strong winds and rough seas in effect. pic.twitter.com/fRbygSBsNA
— Maldives Meteorology (@MetMaldives) November 15, 2021
ރާއްޖޭގެ އުތުރަށް ޔެލޯ އެލާޓް ނެރެފައިވާއިރު ހއ. އަތޮޅުން ވ. އަތޮޅާއި ދެމެދުގެ ހިސާބުތަކަށް ހަވީރު 04:00 އާ ހަމައަށް ވަނީ ވައިޓް އެލާޓްވެސް ނެެރެފައެވެ. އެވަގުތުގައި އެ ސަރަހައްދަށް ވައިޓް އެލާޓް ނެރެފައިވަނި ވައިގަދަވާނެ ކަމަށް ލަފާކޮށެވެ.