މިދޔަ ހުކުރު ދުވަހު މާލޭ މަގެއްގެ މަތިން އަންހެނަކަށް ޖިންސީ ފުރައްސާރަ ކޮށްގެން ހައްޔަރު ކުރި މީހާ ދޫކޮށްލައިފިއެވެ.
"އައްޑޫލައިވް"އަށް މައުލޫމާތުދެމުން ފުލުހުން ބުނެފައިވަނީ، އެ މައްސަލައާ ގުޅިގެން ހައްޔަރުކުރި މީހާ އިއްޔަ ފުލުހުންގެ ބަންދުން ދޫކޮށްލާފައިވާކަމަށެވެ.
އޭނާ ދޫކޮށްލާފައިވަނީ މައްސަލައާ ގުޅިގެން އެކަށީގެންވާ ހެއްކާއި ގަރިނާ ލިބިފައިނުވާތީ ކަމަށެވެ.
މިމައްސަލަ އިތުރަށް ފުލުހުން ތަހުގީގު ކުރަމުން އަންނަކަމަށްވެސް ފުލުހުން ބުނެފައިވެއެވެ.
އެ މައްސަލައިގައި ޖިންސީ ފުރައްސާރަ ލިބުނު އަންހެން މީހާ ސޯޝަލް މީޑިއާގައި ކޮށްފައިވާ ޕޯސްޓެއްގައި ބުނީ އެކަން ހިނގީ ވަޒީފާ އަށް ދިޔަ މަގުމަތީގައި ކަމަށެވެ.