ކޮވީޑް-19 ގެ އާ ވޭރިއެންޓް "އޮމިކްރޮން"އާ ގުޅިގެން އަޅާނެ ފިޔަވަޅުތަކާ ގުޅޭގޮތުން މިއަދު މަޝްވަރާ ކުރުމަށް ހަމަޖެހިފައިވާކަން ރައީސް އިބްރާހިމް މުހައްމަދު ސޯލިހް ހާމަކުރައްވައިފިއެވެ.
ރައީސް ސޯލިހް ކުރެއްވި ޓްވީޓެއްގައި ވިދާޅުވީ، އާ ކޮވިޑު ވޭރިއަންޓެއް ކަމަށްވާ "އޮމަކްރޮން" ގެ ވާހަކަ އަކީ ވަރަށް ކަންބޮޑުވާ ކަމެއްކަމަށެވެ. އަދި އެކަމާ ގުޅިގެން ޓެކްނިކަލް އެޑްވައިޒަރީ ގްރޫޕުން މިއަދު ބައްދަލުކޮށް، ރައްކާތެރިކަމުގެ ގޮތުން އެޅިދާނެ ފިޔަވަޅުތަކާ މެދު ގޮތެއް ނިންމަވާނެ ކަމަށް ރައީސް ސޯލިހް ވިދާޅުވިއެވެ.
މީގެއިތުރުން ރައީސް ސޯލިހް ވިދާޅުވީ، 50 އަހަރުން މަތީގެ މީހުންނަށް ބޫސްޓަރ ޑޯޒް ދެމުން އަންނަކަމަށާއި، އެގޮތުން ސިއްހީ، ޓޫރިޒަމް އަދި އެއާޕޯޓް ފްރޮންޓްލައިން ސްޓާފުންނަށް ބޫސްޓާ ޝޮޓް ދިނުމަށް މި ހަފްތާގައި ފަށާނެ ކަމަށެވެ. އާންމު ރައްޔިތުންނަށް ހާއްސަކޮށްގެން ބޫސްޓަރ ޕްރޮގްރާމް ފަށާނީ ޑިސެމްބަރު މަހުގެ މެދުތެރޭގައި ކަމަށާއި، އެހެންކަމުން ހުރިހާ ފަރާތްތަކުންވެސް ވެކްސިން ފުރިހަމަ ކުރުމަށް އިލްތިމާސް ކުރައްވާފައިވެއެވެ.
We’re presently giving booster vaccine shots to ages 50+. Booster shots for healthcare, tourism and airport frontline staff will start this week. Booster program for the general population will commence in mid December. I urge those eligible to get their booster shots ASAP.
— Ibrahim Mohamed Solih (@ibusolih) November 27, 2021
ދެކުނު އެފްރިކާ އިން ފެނިގެން އުޅޭ ކޮވިޑް-19 ވޭރިއަންޓަކީ ކަންބޮޑުވުން އޮތް ވޭރިއަންޓެއް ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިންވެސް ވަނީ ކަނޑައަޅާފައެވެ.
މި ވޭރިއަންޓްގެ ނަމަކީ "އޮމިކްރޮން" ކަމަށް ކަނޑައަޅާފައިވާއިރު މި ވޭރިއެންޓްގެ ސަބަބުން ގިނަ ގައުމުތަކުން މިހާރު އަންނަނީ ފިޔަވަޅުތައް އަޅަމުންނެވެ.