އަހަރީ ފީގެ ގޮތުގައި ދައްކަންޖެހޭ ފައިސާ ދައްކަން އޮތް މުއްދަތުގައި ދައްކާފައިވާނެކަމަށް ގައުމީ އެއާލައިން މޯލްޑިވިއަން އިން ބުނެފިއެވެ.
މޯލްޑިވިއަންއިން މިފަދައިން ބުނެފައިވަނީ އަހަރީ ފީ ނުދައްކައިގެން އުވާލަން ނިންމި ކުންފުނިތަކުގެ ލިސްޓުގައި އެ ކުންފުނީގެ ނަންވެސް ހިމެނިފައިވާތީއެވެ.
މިކަމާ ގުޅިގެން މޯލްޑިވިއަންއިން ކޮށްފައިވާ ޓްވީޓެއްގައި ބުނެފައިވަނީ، ކުންފުނިތަކުގެ އަހަރީ ފީގެ ގޮތުގައި ދައްކަން ކަނޑައަޅާފައި އޮންނަ ފައިސާ ދައްކަން އޮންނަ މުއްދަތުގައި ދައްކާފައިވާނެކަމަށެވެ.
ކުންފުނިތަކުގެ އަހަރީ ފީގެ ގޮތުގައި ދައްކަން ކަނޑައަޅާފައި އޮންނަ ފައިސާ ދައްކަން އޮންނަ މުއްދަތުގައި މިކުންފުނިން ވާނީ ދައްކާފައެވެ. މިކަން އެންމެހާ ކަސްޓަމަރުންނާއި ޕާޓްނަރުންގެ ސަމާލުކަމަށްޓަކައި ދަންނަވާލީމެވެ.
— Maldivian (@MaldivianAero) December 2, 2021
އަހަރީ ފީ ނުދައްކައިގެން 3967 ކުންފުންޏެއް އުވާލަން ނިންމާ އިކޮނޮމިކް މިނިސްޓްރީން އިއުލާނު ކޮށްފައިވެއެވެ.