ބިދޭސީންގެ މައްސަލައިގައި ކުރީ ސަރުކަރުން ހާވާފައި އޮތް ހަޑި ސާފު ކުރާނީ މި ސަރުކާރުން ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވެއްޖެއެވެ.
މިނިސްޓަރު ފައްޔާޒް މިފަދައިން ވިދާޅުވީ ބިދޭސީންގެ މައްސަލަ އިތުރުވެ އެކަމާ ގުޅިގެން ފައްޔާޒް ޓެގްކޮށް ކޮށްފައިވާ ޓްވީޓަކާ ގުޅިގެންނެވެ.
ފައްޔާޒް ވިދާޅުވެފައިވަނީ، 2014 ވަނަ އަހަރުން ފެށިގެން 2018 އާހަމައަށް ހާވާފައޮތް ހަޑި މުޑުދާރު ޖަރީމާއާ ހަވާލުވެ "އިރާދަކުރެއްވިއްޔާ ހައްލުކުރާނީ މި ސަރުކާރުން" ކަމަށެވެ. އަދި ބިދޭސީންނަށް އެހީތެރިކަން ފޯރު ކޮށްދެއްވާނެކަމަށްވެސް ފައްޔާޒް ވިދާޅުވިއެވެ.
ވަރައް ބޮޑަށް ޝުކުރިއްޔާ. ޝައްކެއްވެސްނެތް އެހީތެރިކަން ފޯރުކޮއްދޭނެ. 2014-2018 ހާވާފައޮތް ހަޑި މުޑުދާރު މި ޖަރީމާއާ ހަވާލުވެ އިރާދަކުރެއްވިއްޔާ ހައްލުކުރާނީ މި ސަރުކާރު. ތިޔަފަދަ ކޮންމެ އެހީތެރިކަމެއް އުފަލާ އެކު ބަލައިގަންނާނަން. އެ ފަރާތާގުޅޭނެ ނަމްބަރު ފޮނުވާލަދެއްވުން އެދެން https://t.co/moKs1G24SY
— Fayyaz Ismail (@faya_i) December 6, 2021
ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ އިތުރުވެފައިވާއިރު، ބިދޭސީންގެ މައްސަލައަސް ހައްލެއް ހޯދުމަށް މި ސަރުކާރުން ވަނީ ގިނަ މަސައްކަތްތަކެއް ކޮށްފައެވެ.
އެގޮތުން ރާއްޖޭގައި ޤަވާއިދާއި ޚިލާފަށް އުޅޭ ބިދޭސީން ރެގިއުލަރައިޒް ކުރުމަށް 2019 ވަނަ އަހަރު ޕްރޮގްރާމެއް ހިންގާ، އަނބުރާ ގައުމަށް ދިއުމަށް ބޭނުންވެފައިތިބި ބިދޭސީން ގައުމަށް ފޮނުވުމުގެ މަސައްކަތްވެސް ކޮށްފައިވެއެވެ.