ނިޝާން އިއްޒުއްދީނުގެ އިއްޒަތުގެ ވެރިޔާ، އުމަރު ޒާހިރު އަވަހާރަ ވެއްޖެއެވެ.
އުމަރު ޒާހިރު، އުމުރުން 85 އަހަރު، އަވަހާރަވީ ދަރުމަވަންތަ ހޮސްޕިޓަލްގައި ކޮވިޑް-19 އަށް ފަރުވާ ހޯއްދަވަމުން ދަނިކޮށެވެ.
އުމަރު ޒާހިރު އަވަހާރަވިއިރު، ދުނިޔޭގައި އަންހެން ބޭފުޅަކާއި ކާފަ ދެ ދަރިން އެބަތިއްބެވިއެވެ.
ގައުމީ ހިދުމަތުގައި އެކި ރޮނގު ރޮނގުން 50 އަހަރަށްވުރެއް ދިގު މުއްދަތަކަށް، އުމަރު ޒާހިރު ހިދުމަތް ކޮށްދެއްވާފައިވެއެވެ.
އުމަރު ޒާހިރު ކުރައްވާފައިވާ ފާހަގަކޮށްލެވޭ ހާއްސަ މަސައްކަތްތަކުގެ ތެރޭގައި، މާލޭގެ ތަރައްޤީގެ ބޮޑެތި މަސައްކަތްތައް، ހާއްސަކޮށް މާލޭ މަގުހެދުމުގެ މަޝްރޫއު، އެއްގަމުތޮށްޓާއި ކަނޑުތޮށީގެ މަޝްރޫއު، ހުޅުމާލޭގެ މަޝްރޫއު އަދި ތިލަފުށި ހިއްކާ ކުނި ނައްތާލުމުގެ މަޝްރޫއު ފާހަގަކޮށްލެވެއެވެ.
އުމަރު ޒާހިރު ވަނީ މާލޭ މުނިސިޕަލްޓީގެ ރައީސް، މިނިސްޓަރ އޮފް ހޯމް އެފެއާޒް އެންޑް ސޯޝަލް ސަރވިސަސް، މިނިސްޓަރ އޮފް ހޯމް އެފެއާޒް އެންޑް ސްޕޯޓްސް، މިނިސްޓަރ އޮފް ކޮންސްޓްރަކްޝަން އެންޑް ޕަބްލިކް ވާކްސް، މިނިސްޓަރ އޮފް ހޯމް އެފެއާޒް އަދި ސީނިއަ މިނިސްޓަރުގެ މަގާމު ފުރުއްވާފައެވެ.