މާލޭގެ ފިހާރައެއްގައި އަލިފާނުގެ ހާދިސާއެއް ހިނގާ ގެއްލުންތަކެއް ވެއްޖެއެވެ.
އަލިފާނުގެ ހާދިސާ ހިނގާފައިވަނީ ޑރ. ޑީޑީ ކްލިނިލް ކައިރީގައި ހުންނަ "އެސްބީ މާޓް" ކިޔާ ފިހާރައެއްގައެވެ.
އެމްއެންޑީއެފުން ބުނެފައިވަނީ އަލިފާނުގެ ހާދިސާގެ ހިނގާފައިވަނީ ގާތްގަނޑަކަށް 01:34 ހާއިރު ކަމަށެވެ. އަދި އެމްއެންޑީއެފް ފަޔަރ އެންޑް ރެކްސިއު ސާވިސުން ކުރި މަސައްކަތަކުން 1:44 ހާއިރު އަލިފާންގަނޑު ނިއްވާލެވިފައިވާކަމަށެވެ.
މި ހާދިސާގައި އަލިފާން ރޯވެފައިވަނީ ފިހާރައިގެ އޭސީގައި ކަމަށް ސިފައިން މައުލޫމާތުދެއެވެ. މި އަލިފާނުގެ ހާދިސާއާ ގުޅިގެން ފިހާރައަށް އެކިވަރުގެ ގެއްލުން ލިބިފައިވެއެވެ.