ބައިބައިވުމާއި، ނަފުރަތު އުފެދޭ ކަންކަމާއި ދުރުވެ ސުލްހަވެރި ސިޔާސީ ހަރަކާތް ހިންގުމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ގޮވާލައްވައިފިއެވެ.
ދިވެހިންގެ އެއްބައިވަންތަކަމުގެ ދުވަހާއި ގުޅިގެން ރައީސް ނަޝީދު ކުރެއްވި ޓްވީޓެއްގައި ވިދާޅުވީ، 2004 ގެ ސުނާމީގެ ބިރުވެރި ހާދިސާއަށްފަހު ރާއްޖޭގައި މިދުވަސް ފާހަގަކުރަންފެށީ އެއްބައިވަންތަކަމުގެ ދުވަހުގެ ގޮތުގައި ކަމަށެވެ.
"އެމްޑީޕީ އާއި އެމްޑީޕީގެ ވާދަވެރިންވެސް ބައިބައިވުމާއި، ނަފުރަތު އުފެދޭ ކަންކަމާއި ދުރުވެ، ސުލްހަވެރި ސިޔާސީ ހަރަކާތުގައި ދެމިތިބުމަށް މިއަދު އަޅުގަނޑު ގޮވާލަން." ރައީސް ނަޝީދުގެ ޓްވީޓްގައިވެއެވެ.
2004 ge tsunami ge biruveri haadhisa ah fahu Raajjeyga midhuvas faahaga kuraanfeshee Dhivehinge Ehbaivanthakamuge Dhuvas gothuga. MDP aai MDP ge vaadhaverinves baibaivumai, nafrath ufedhey kankamaai dhuruve, sulhaveri siyaasee harakaathuga dhemithibumah miadhu alhugandu govaalan
— Mohamed Nasheed (@MohamedNasheed) December 26, 2021
ރައިސް ނަޝީދު މިފަދައިން ޓްވީޓް ކުރައްވާފައިވާއިރު، އިދިކޮޅު ޕީޕީއެމް ޕީއެންސީ ކޯލިޝަނުން އަންނަނީ "އިންޑިއާ އައުޓް"ގެ ނަމުގައި ކެމްޕޭނެއް ހިންގަމުންނެވެ.
އެ ކެމްޕޭން ރާއްޖޭގެ އިތުރުން އެހެން ބައެއް ރަށްރަށުގައިވެސް ހިންގަމުން އަންނައިރު، ކުރީގެ ރައީސް އަބްދުﷲ ޔާމީން ޖަލުން މިނިވަންވެ ވަޑައިގެންނެވި ގޮތަށް އަންނަނީ އިންޑިއާ އައުޓް ކެމްޕޭންގެ ހަރަކާތްތަކުގައި ބައިވެރިވެވަޑައިގަންނަވަމުންނެވެ. އަދި އެ ކެމްޕޭންގައި އެމަނިކުފާު ރާއްޖޭގެ އެކި ރަށްރަށަށްވެސް އަންނަނީ ދަތުރު ކުރައްވަމުންނެވެ.