ކޮވިޑް-19 ގެ އާ ވޭރިއަންޓް، އޮމިކްރޯންއަށް އަށް ދިވެހިން ޕޮޒިޓިވް ވެއްޖެއެވެ.
އެޗްޕީއޭއިން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި ޑރ. ނަޒްލާ ރަފީގް ވިދާޅުވީ، މި ހަފްތާގައި ހަތް ދިވެއްސަކު އޮމިކްރޯންއަށް ޕޮޒިޓިވް ވެފައިވާކަމަށެވެ.
އަދި މިދިޔަ ހަފްތާގައިވެސް ދިވެއްސެއް އޮމިކްރޯންއަށް ޕޮޒިޓިވް ވެފައިވާކަމަށާއި، އެހެންކަމުން ޑެލްޓާ ވޭރިއަންޓަށް ވުރެވެސް ބާރަށް އޮމިކުރޯން ފެތުރެމުން ދާނެ ކަމަށް ބެލެވޭ ކަމަށެވެ.
އޮމިކްރޯން ކޭސްތައް ފެނިފައިވަނީ ކުޑަހުވަދޫއިން އެއް ކޭސް މާފުށިން ތިން ކޭސް އަދި މާލެއިން ހަތަރު ކޭސްއެވެ.
ޑރ. ނަޒްލާ ވިދާޅުވީ ޑެލްޓާގައި ކޭސްތައް ބޮޑަށް ފެނުނީ މާލެއިން ނަމަވެސް އޮމިކްރޯންގެ ކޭސްތައް ރާއްޖޭގެ އެކި ސަރަހައްދުތަކުން ފެންނާނެކަމަށް ބެލެވޭ ކަމަށެވެ.