ހުޅުމާލެ ދެވަނަ ފިޔަވަހީގައި ޕްރީ ސްކޫލެއް އަޅައިދޭނެ ބަޔަކު ހޯދަން އިއުލާނު ކޮށްފިއެވެ.
އެޗްޑިސީން ކޮށްފައިވާ އިއުލާނެއްގައި ބުނެފައިވަނީ، ބިޑަށް ކުރިމަތިލެވޭނީ ހަމައެކަނި ދިވެހި ކުންފުނިތަކަށް ކަމަށެވެ. އަދި ބިޑަށް ކުރިމަތިލާ ފަރާތަކީ އެޗްޑީސީގެ ބޯޑު މެމްބަރަކާ ނުވަތަ ކުންފުނީގެ ވިޔަފާރި ޕާޓްނަރަކާ ނުވަތަ އެޗްޑީސީގެ މުވައްޒަފަކާއި އެއްވެސް މަސްލަހަތެއް އޮންނަ ފަރާތަކަށް ވެގެން ނުވާނެކަމަށެވެ.
މިމަސައްކަތަށް ބީލަށް ހުށަހެޅުމުގެ ފުރުސަތު މިމަހު 25 ވަނަ ދުވަހުގެ ނިޔަލަށް ހުޅުވާލާފައިވެއެވެ.
އަދި ބިޑާ ބެހޭ މައުލޫމާތު އެޗްޑީސީ އޮފީހުގެ ގްރައުންޑު ފްލޯއިން ސާފުކުރެވެން ހުންނާނެ ކަމަށްވެސް ބުނެފައިވެއެވެ.