ހެރިޓޭޖް މިނިސްޓަރު ޔުމްނާ މައުމޫން ކޮވިޑް-19 އަށް ޕޮޒިޓިވް ވެއްޖެއެވެ.
ޔުމްނާ ކުރެއްވި ޓްވީޓެއްގައި އެކަން ހާމަކުރައްވާފައިވާއިރު، ވިދާޅުވެފައިވަނީ ބައްޔަށް ޕޮޒިޓިވްވުމުން ގޭގައި އެކަހެރިވެގެން ހުންނެވި ކަމަށެވެ. ބަލީގެ ސަބަބުން ގަދަޔަށް ހުން އައުމާއި ގައިގާ ރިއްސާކަމަށްވެސް ފާހަގަކުރައްވާފައިވެއެވެ.
Have tested positive for #Covid_19 and am isolating at home.Having fever,sore throat and body pain. 😞Insha Allah will get thru this. Worried for my parents, and family.We all need to do what we can prevent the virus getting to the elderly, children and high risk. #TogetherWeCan
— Yumna Maumoon 🇲🇻 🤝🇵🇸 (@yumna_maumoon) January 23, 2022
ރައީސް އިބްރާހިމް މުހައްމަދު ސޯލިހްވެސް ވަނީ އިއްޔަ ކޮވިޑް-19 އަށް ޕޮޒިޓިވް ވެފައެވެ. އެމަނިކުފާނު ވިދާޅުވެފައިވަނީ އެމަނިކުފާނުގެ ހާޅުކޮޅު ރަނގަޅު ކަމަށެވެ.
ބާރު ސްޕީޑެއްގައި ކޮވިޑް-19 ފެތުރެމުން އަންނައިރު، އިއްޔަވެސް ރާއްޖެއިން ވަނީ ބައްޔަށް 2300 އަށްވުރެއް ގިނަ މީހުން ޕޮޒިޓިވް ވެފައެވެ.
ރާއްޖެއިން މި ބައްޔަށް ޕޮޒިޓިވްވި މީހުންގެ ޖުމުލަ އަދަދު ވަނީ 114،977 އަށް އަރާފައެވެ. ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 13،035 ކޭސް އެވެ. މި ބަލިން 101،660 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 48 މީހަކަށެވެ. ބަލީގައި މަރުވި މީހުންގެ އަދަދު ވަނީ 270 އަށް އަރާފައެވެ.