ކޮވިޑް-19 ގެ ސާމްޕަލް ނަގާނެ އިތުރު ސެންޓަރެއް ސިނަމާލެ ބްރިޖް ސަރަހައްދުގައި ހުޅުވައިފިއެވެ.
ބްރިޖް ޕާކިން ޒޯންގައި ހުޅުވާފައިވާ ސާމްޕަލް ނަގާ ސެންޓަރުން މިއަދު ހެނދުނު 09؛00 އިން ފެށިގެން އަންނަނީ ސާމްޕަލް ނެގުމުގެ ހިދުމަތް ދެމުންނެވެ.
މިފަހުން އެޗްޕީއޭއިން ވަނީ ހިޔާ ފްލެޓް ސަރަހައްދުގައި އަދި ހެންވޭރު ދަނޑުގައިވެސް ސާމްޕަލް ނަގާ ސެންޓަރު ހުޅުވާފައެވެ.
މާލޭގައި ބާރު ސްޕީޑެއްގައި ކޮވިޑް-19 ފެތުރެމުން އަންނައިރު، އެޗްޕީއޭއިން އަންނަނީ ސާމްޕަލް ނަގާނެ އިތުރު ތަންތަން ހަމަޖައްސަމުންނެވެ.
އެގޮތުން ގްރޭޓަރ މާލެ ސަރަހައްދުގައި މިވަގުތު 3 ފްލޫ ކްލިނިކް ހުރިއިރު، ސާމްޕަލް ނެގޭނެ 3 ތަނެއް ހަމަޖައްސާފައިވެއެވެ.