ކޮވިޑް-19 ގެ ހާލަތު ގޯސްވާތީ ޕްރޮސެކިއުޓަރ ޖެނެރަލް (ޕީޖީ) އޮފީހުގެ މަސައްކަތްތަކަށް ބަދަލު ގެނެސްފިއެވެ.
އެކަން ހާމަކޮށް ޕީޖީ ހުސައިން ޝަމީމް ކުރެއްވި ޓްވީޓެއްގައި ވިދާޅުވެފައިވަނީ ކޮވިޑުގެ ޙާލަތު އިތުރަށް ގޯސްވަމުންދާތީ، ޕީޖީ އޮފީހުގެ މަސައްކަތްތަކަށްވެސް ބަދަލު ގެނެސް، މުވައްޒަފުން ދެބަޔަކަށް ބަހައި، ހަފްތާއަކު ގްރޫޕަކުން މަސައްކަތްކުރާ ގޮތަށް ހަމަޖައްސާފައިވާކަމަށެވެ. އަދި އެކަމުގެ ސަބަބުން ހިދުމަތްތައް ކުޑަކޮށް ލަސްވެދާނެކަންވެސް ފާހަގަކުރެއްވިއެވެ.
ކޮވިޑުގެ ޙާލަތު އިތުރަށް ގޯސްވަމުންދާތީ، ޕީޖީ އޮފީހުގެ މަސައްކަތްތަކަށްވެސް ބަދަލު ގެނެސްފީމެވެ. މުވައްޒަފުން ދެބަޔަކަށް ބަހައި، ހަފްތާއަކު ގްރޫޕަކުން މަސައްކަތްކުރާނެއެވެ. ޚިދުމަތްތައް ކުޑަކޮށް ލަސްވެދާނެއެވެ. އެންމެ ފުރަތަމަ ކަމަކީ ޞިއްޙަތެވެ. އެއަށްފަހު ވަޒީފާއެވެ. 🏄🏾🌊
— Hussain Shameem (@HuShameem) January 26, 2022
މީގެކުރިންވެސް ކޮވިޑް-19 އާ ގުޅިގެން އެކި އޮފީސްތަކުގެ މަސައްކަތްތައް ކުރަމުން އައި ގޮތަށް ބަދަލުގެނެސްފައިވެއެވެ.
ރާއްޖޭގެ މިހާރުގެ ކޮވިޑް-19ގެ ހާލަތު ވަރަށް ބޮޑަށް ގޮސްވެފައިވާއިރު ދެވާލެއްގެ މައްޗަށް އެވްރެޖްކޮށް 2000 އަށްވުރެއް ގިނަ މީހުން އަންނަނީ ބައްޔަށް ޕޮޒިޓިވް ވަމުންނެވެ.