ކޮމަންޑޫ ދާއިރާގެ ބައި އިލެކްޝަންގައި ވާދަކުރާ އެމްޑީޕީގެ ކެނޑިޑޭޓް މުހައްމަދު ރާޝިދުގެ ކެމްޕޭނަށް އައްޑޫސިޓީ މޭޔަރު އަލީ ނިޒާރު ކޮމަންޑޫއަށް ވަޑައިގެންފިއެވެ.
މޭޔަރު ނިޒާރު މިއަދު ހެނދުނު ކޮމަންޑޫ އަށް ވަޑައިގެންފައިވަނީ އެމްޑީޕީގެ ކެނޑިޑޭޓް ރާޝިދު އަދި ކެމްޕޭން ޓީމްގައި ހިމެނޭ އިތުރު ފަރާތްތަކާއެކުއެވެ.
Joining the #TeamRado to Komandoo. #VoteRaashid #1 @Rashid141221 @Mraee12 pic.twitter.com/SbUlV36YUu
— Ali Nizar (@DhekunuNizar) January 28, 2022
ކޮމަންޑޫ ދާއިރާގެ ކެމްޕޭންގެ ފޯރި ގަދަވެފައިވާއިރު ރައީސް އިބްރާޙިމް މުހައްމަދު ސޯލިހް، ކުރީގެ ރައީސް މުހައްމަދު ނަޝީދު، ކުރީގެ ރައީސް އަބްދުﷲ ޔާމީން އަދި ޖޭޕީގެ ލީޑަރު ޤާސިމް އިބްރާޙިމް ވެސް ވަނީ އެ ދާއިރާގެ ރަށްތަކަށް ކެމްޕޭނަށް ވަޑައިގެންފައެވެ.
މި އިންތިހާބުގައި ވާދަކުރައްވަނީ ތިން ކެންޑިޑޭޓުންނެވެ. އެއީ ޕީޕީއެމްގެ ފަރާތުން މޫސާ ފަތުހީ އާއި އެމްޑީޕީގެ ފަރާތުން މުހައްމަދު ރާޝިދުގެ އިތުރުން އެމްއެންޕީގެ ފަރާތުން އަބްދުލްހަންނާން އިދުރީސްއެވެ.
ބައި އިލެކްޝަން ބޭއްވުމަށް ހަމަޖެހިފައިވަނީ އަންނަ ފެބްރުއަރީ މަހުގެ ފަސްވަނަ ދުވަހުއެވެ.