ދިވެހިރާއްޖެއާ ތުރުކީއާ ދެމެދު ރަސްމީ ވާހަކަތައް ބާއްވައިފިއެވެ.
ތުރުކީގެ ފޮރިން މިނިސްޓަރު މަވްލޫތު ޗަވްސޯލޫ ރާއްޖެއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ވަނީ ފޮރިން މިނިސްޓަރު އަބްދުﷲ ޝާހިދާ ބައްދަލުކުރައްވާފައެވެ.
މި ބައްދަލުކުރެއްވުމަށްފަހު ވަނީ ދެގައުމުގެ ދެމެދުގައި ރަސްމީ ވާހަކަތައް ބާއްވާފައެވެ. އެގޮތުން މި މަޝްވަރާތަކުގައި މިގޮތުން، ތައުލީމީ ދާއިރާއާއި، ޒުވާނުންނާއި ކުޅިވަރުގެ ދާއިރާއާއި، ތިމާވެށްޓާއި، އިޤްތިސާދީ ތަރައްޤީއާއި، ޓެރަރިޒަމާ ދެކޮޅަށް މަސައްކަތްކުރުމުގެ ދާއިރާއިން ގުޅުން ބަދަހިކުރެއްވުމާ ބެހޭގޮތުން ވާހަކަތައް ކުރިއަށް ގެންގޮސްފައިވާކަމަށް ފޮރިން މިނިސްޓްރީން މައުލޫމާތުދެއެވެ.
Minister @abdulla_shahid and Minister of Foreign Affairs of Türkiye @MevlutCavusoglu holds official talks.
Discussions included enhancing cooperation in a number of areas, including education, youth and sports, environment, economic development, and countering terrorism. pic.twitter.com/bdmvlaoNMP— Ministry of Foreign Affairs 🇲🇻 (@MoFAmv) January 30, 2022
ތުރުކީގެ ފޮރިން މިނިސްޓަރުގެ މި ދަތުރުފުޅަކީ ރާއްޖޭގެ ފޮރިން މިނިސްޓަރު އަބްދުﷲ ޝާހިދުގެ ދައުވަތަކަށް ކުރައްވާ ދަތުރުފުޅެކެވެ.
މި ދަތުރުފުޅުގައި ދެގައުމުގެ ދެމެދުގައި ފަސް އެއްބަސްވުމެއްގައި ސޮއި ކުރެއްވުމަށް ހަމަޖެހިފައިވެއެވެ. ސޮއިކުރުމަށް ހަމަޖެހިފައިވަނީ ވިޔަފާރީގެ ދާއިރާއާއި، ސަގާފަތާއި ތަރިކައިގެ ދާއިރާއާއި، ތިމާވެށީގެ ދާއިރާއާޢި ދަނޑުވެރިކަމުގެ ދާއިރާގެ އިތުރުން ޚާރިޖީ ދާއިރާއިން ގުޅުން ބަދަހި ކުރުމާބެހޭ އެއްބަސްވުންތަކެއްގައެވެ.