މާދަމާ ފެމިލީ ކޯޓުން 39 ކައިވެނި ކޮށްދިނުމަށް ހަމަޖެހިފައިވާކަން ފެމިލީ ކޯޓުން ހާމަކޮށްފިއެވެ.
މާދަމާގެ ތާރީހަކީ [02.02.2022] މިއަހަރުގައި އަންނާނެ އެންމެ ރީތި ތާރީހުތަކުގެ ތެރެއިން އެއް ތާރީހެވެ.
ފެމިލީ ކޯޓުން ބުނެފައިވަނީ މާދަމާ އެ ކޯޓުން 39 ކާވެނި ޢަޤުދުކޮށްދިނުމަށް ހަމަޖެހިފައިވާރު އޭތެރެއިން ކޯޓުގައި 28 ކާވެނި ކުރުމަށް ހަމަޖެހިފައިވާކަމަށާއި، ކޯޓުން ބޭރުގައި 11 ކާވެނި ކުރުމަށް ހަމަޖެހިފައިވާކަމަށެވެ.
މާދަމާ (02.02.2022) ފެމިލީ ކޯޓުން 39 ކާވެނި ޢަޤުދުކޮށްދިނުމަށް ވަނީ ހަމަޖެހިފަ. މިގޮތުން ކޯޓުގައި 28 ކާވެނި ކުރުމަށް ހަމަޖެހިފައިވާއިރު، ކޯޓުން ބޭރުގައި 11 ކާވެނި ކުރުމަށް ހަމަޖެހިފައިވޭ.
— Family Court (@FamilyCourtMv1) February 1, 2022
މިދިޔަ އަހަރު ފެމިލީ ކޯޓުން އެންމެ ގިނަ ކައިވެނި ކޮށްދީފައިވަނީ 21-12-2021 ގައެއެވެ. އެދުވަހު ފެމިލީ ކޯޓުން 57 ކާވެނި ޢަޤުދުކޮށްދީފައިވެއެވެ.
ފެމިލީ ކޯޓުގެ ތަފާސް ހިސާބުތަކަށް ބަލާއިރު މިދިޔަ އަހަރު އެކޯޓުން ކައިވެނި ކޮށްދިން އަދަދުގެ ދެބައިކުޅަ އެއްބަޔާ ގާތްކުރާ އަދަދަކަށް ވަރިވެސް ކޮށްދީފައިވެއެވެ. އެގޮތުން މިދިޔަ އަހަރު ފެމިލީ ކޯޓުން 2399 ކައިވެނި ކޮށްދިންއިރު 1192 ވަރި އެ ކޯޓުން ރަޖިސްޓްރީ ކޮށްފައިވެއެވެ.