"އަހަރެންގެ ބޭންކް ކޮމިއުނިޓީ ފަންޑް" ގެ ދަށުން އެހީތެރިކަން ބޭނުންވާ ޕްރޮޖެކްޓުތަކަށް ޕްރޮޕޯސަލްތައް ހުށަހެޅުމުގެ ފުރުސަތު ބޭންކް އޮފް މޯލްޑިވްސް (ބީއެމްއެލް) އިން މިއަދު ހުޅުވާލައިފި އެވެ.
ފަންޑަށް ހުށަހަޅާ ޕްރޮޕޯސަލްތަކަކީ ތައުލީމާއި ކުޅިވަރާއި ތިމާވެށި ހިމާޔަތްކުރުން ފަދަ ކަންކަމާ ގުޅުވައިގެން ހުށަހަޅާ ޕްރޮޕޯސަލްތަކަށް ވާން ޖެހެ އެވެ. ފަންޑަށް އަމިއްލަ ފަރުދުންނާއި ހިލޭ ސާބަހަށް މަސައްކަތް ކުރާ ޖަމިއްޔާ ޖަމިއްޔާތަކަށް ވެސް ޕްރޮޕޯސަލް ހުށަހެޅުމުގެ ފުރުސަތު އޮވެ އެވެ.
ގައުމީ ބޭންކްގެ މި ކުއާޓަރުގައި ހޮވޭލެވޭ ފަސް ޕްރޮޖެކްޓުގެ ތެރެއިން ކޮންމެ ޕްރޮޖެކްޓެއް ހިންގަން 50،000ރ. ދޭނެ އެވެ.
Our Community Fund is open for the first phase of 2022! 🙌
We’ll be selecting 5 projects to receive MVR 50,000 each to support in the areas of education, environment, sports and community development.
Submit your proposals before 27th February.
Apply: https://t.co/UdqDZfVthY pic.twitter.com/EUtmrSo5LX
— Bank of Maldives (@bankofmaldives) February 6, 2022
ޕްރޮޕޯސަލް ހުށަހެޅުމުގެ ސުންގަޑި އަކީ މި މަހުގެ 27 ވަނަ ދުވަހެވެ. އެޕްލިކޭޝަން ފޯމާއި ޕްރޮޕޯސަލް ހުށަހަޅާނީ community@bml.com.mv މި މެއިލް މެދުވެރިކޮށެވެ.
މި އަހަރުގެ ހަތަރު ކުއާޓަރުގައި 20 ޕްރޮޖެކްޓެއް ހިންގަން ބޭންކުން އެހީތެރިކަން ދޭނެ އެވެ.
"އަހަރެންގެ ބޭންކް ކޮމިއުނިޓީ ފަންޑް" ދަށުން ރާއްޖޭގެ އެކި ހިސާބުތަކުގައި 60 ޕްރޮޖެކްޓެއް ހިންގާފައިވެ އެވެ.