ރާބިތަތުލް އާލަމިލް އިސްލާމީގެ އޮފީހެއް ރާއްޖޭގައި ގާއިމުކުރަން މަޝްވަރާކޮށްފި އެވެ.
ފޮރިން މިނިސްޓްރީން ބުނީ ރާބިތާގެ ސެކްރެޓަރީ ޖެނެރަލް ޝެއިޚް މުހައްމަދު ބިން އަބްދުލްކަރީމް އަލްއީސާ މިހާރު ރާއްޖެއަށް ކުރައްވަމުންދާ ދަތުރުފުޅުގެ ތެރެއިން އިއްޔެ ބޭއްވި ނޫސްވެރިންގެ ބައްދަލުވުމެއްގައި ސްޓޭޓް މިނިސްޓަރު އަހްމަދު ޚަލީލް ވިދާޅުވީ ރާބިތާއާ ގުޅިގެން މަސައްކަތް ކުރެވޭނެ ގިނަ ދާއިރާތަކަކާ މެދު މިއަދު މަޝްވަރާ ކުރެވުނު ކަމަށެވެ.
އެގޮތުން ރާބިތާގެ ރެޕްރެޒެންޓޭޓިވް އޮފީހެއް ރާއްޖޭގައި ގާއިމުކުރުން ހިމެނޭ ކަމަށް އޭނާ ވިދާޅުވިއެވެ. މީގެ އިތުރުން ޓެރަރިޒަމާ ދެކޮޅަށް މަސައްކަތްކުރުމާއި އިސްލާމް ދީނުގެ ސައްހަ އަގީދާ ފެތުރުމާ ގުޅޭ ގޮތުން ވެސް މަޝްވަރާ ކުރެވުނު ކަމަށް ފޮރިން މިނިސްޓްރީން ބުންޏެވެ.
State Minister Khaleel and @MWLOrg_en Secretary-General @MhmdAlissa held Official Talks today at @MoFAmv. Discussed Islamophobia, women’s empowerment and various other challenges facing Islamic Ummah including the issue of #Palestine and #Rohingya pic.twitter.com/y1SMfqjVzi
— Ministry of Foreign Affairs 🇲🇻 (@MoFAmv) February 8, 2022
މީގެ އިތުރުން ރާއްޖޭގެ ދީނީ އިލްމުވެރިންނާއި، އިމާމުން އިތުރަށް ތަމްރީނުކުރުމަށް ޕްރޮގުރާމްތަކެއް ހިންގަން މަޝްވަރާކޮށްފައިވެ އެވެ.
State Minister Khaleel and @MWLOrg_en Secretary-General @MhmdAlissa give Joint Press Conference, highlighting the close ties of friendship and to further strengthen cooperation between the #Maldives and #MuslimWorldLeague pic.twitter.com/T1uiEFnsEQ
— Ministry of Foreign Affairs 🇲🇻 (@MoFAmv) February 8, 2022
ހަލީލް ވިދާޅުވި ގޮތުގައި އަންހެނުންގެ ހައްގުތައް ރައްކާތެރި ކުރުމާއި އިސްލާމީ އުއްމަތަށް ކުރިމަތިވެފައިވާ ބޮޑެތި މައްސަލަތަކާއި މެދު ވެސް މަޝްވަރާތަކެއް ކުރެވުނެވެ.
ރާބިތާގެ ސެކްރެޓަރީ ޖެނެރަލް ރާއްޖެ އަށް ކުރެއްވި ދަތުރުގެ ތެރެއިން ނިޝާން ކަލާފާނުގެ ޝަރަފުގެ ޢިއްޒަތް ރައީސް އިބްރާހީމް މުހައްމަދު ސޯލިހް އަރުވާފައިވެ އެވެ.