އިނގިރޭސިވިލާތުގެ މިނިސްޓަ އޮފް ސްޓޭޓް ފޮ ސައުތު އެންޑް ސެންޓްރަލް އޭޝިޔާ އަދި ދަ ޔޫއެން އެންޑް ދަ ކޮމަންވެލްތު ލޯޑު ޠާރިޤް އަހުމަދު މިހާރު ރާއްޖެ އަށް ކުރައްވަމުން ގެންދަވާ ދަތުރުގެ ތެރެއިން ރާއްޖޭގައި ހުންނަވާ އިނގިރޭސި ސަފީރު ކެރޮން ރޮސްލާއާ އެކު އައްޑު އަށް ވަޑައިގެންފ އެވެ.
އެ ބޭފުޅުންނާ އެކު ރައްޔިތުންގެ މަޖިލީހުގެ އަައްޑޫގެ ބައެއް މެމްބަރުން ވެސް އިއްޔެ ފެއްޓެވި ދަތުރުގައި ބައިވެރިވަޑައިގަންނަވަ އެވެ.
މި ދަތުރުގެ ތެރޭގައި އައްޑޫގައި ވެޓް ލޭންޑް ސަރަހައްދުތަކަށް ޒިޔާަތްތަޔްކޮށްކުރައްވައި އެތަންތަނާ ބެހޭ މައުލޫމާތު ސާފުކުރައްވައި އެފަދަ ތަންތަނުގެ ހިމާޔަތާއި ރައްކާތެރިކަމާއި ތަރައްގީއަށްޓަކައި ކުރެވިދާނެ ކަންކަމާ ބެހޭ ގޮތުން މައުލޫމާތު އޮޅުން ފިލުއްވާނެ އެވެ.
UK’s Minister of State for South Asia @tariqahmadbt & the Amb to the Maldives, Her Excellency @caron_rohsler arrives at @Ganairportco on their official trip to Addu City. The delegates were welcomed by the Deputy Mayor @shuaau22 & Members of Parliament of Addu City. pic.twitter.com/vG8CXVZlr1
— Addu City Council (@AdduCityCouncil) February 17, 2022
ދެ ބޭފުޅުންގެ މި ދަތުރުގެ ތެރެއިން އައްޑޫ ސިޓީ ކައުންސިލާ ވެސް ބައްދަލުކޮށް، އައްޑޫގައި ހުރި އިނގިރޭސީންގެ ހަނދާންތަކާ ގުޅޭ މުހިއްމު ތަންތަނަށް ވެސް ޒިޔާރަތްކުރައްވާނެ އެވެ. އިނގިރޭސިންނަކީ ދެވަނަ ބޮޑު ހަނގުރާމައިގެ ދުވަސްވަރު އައްޑޫގައި މިލިޓަރީ ބޭސް ހަދައިގެން ގިނަ ދުވަސްތަކެއް ވަންދެން އުޅުނު ބައެކެވެ.
ވަކިން ހާއްސަކޮށް އައްޑޫ ގަމަކީ އިނގިރޭސީންގެ ހަނދާންތައް އައްޑޫން އެންމެ ބޮޑަށް ފެންނާނެ ތަނެކެވެ. ގަން އެއާޕޯޓަކީ އިނގިރޭސީން ތަރައްގީކުރި ތަނެކެވެ.
އިނގިރޭސި ސަފީރާއި ލޯޑް ތާރިގްގެ އައްޑޫގެ ދަތުރުގެ ތެރެއިން މަތީ ތައުލީމަށް އެ ގައުމުން ދިވެހިންނަށް ލިބެން ހުރި ފުރުސަތުތަކުގެ މައުލޫމާތާއި އެފަދަ ފުރުސަތުތައް އިތުރުކުރުމާ ބެހޭ ގޮތުން ވެސް ކަމާބެހޭ ފަރާތްތަކަށް ހިއްސާކުރައްވާނެ އެވެ.