ޔޫކްރެއިންގެ އިރުމަތީގައި އޮތް ވަކިވެގަތުމަށް މަސައްކަތްކުރާ ދެ ސަރަހައްދަކީ މިނިވަން ދެ ދައުލަތުގެ ގޮތުގައި ރަޝީޔާއިން ބަލައިގެންފިއެވެ.
ގައުމާ މުހާތަބު ކުރައްވާ ދެއްކެވި ވާހަކަފުޅުގައި ރަޝީޔާގެ ރައީސް ވްލަޑްމިއާ ޕޫޓިން ވަނީ ޔޫކްރެއިންގެ ތާރީހާއި ރަޝިޔާގެ ތާރީހާއި ގުޅޭގޮތުން ވާހަކަ ދައްކަވާފައެވެ.
ޕޫޓިން ވިދާޅުވީ ޔޫކްރެއިންގެ އިރުމަތީގައި އޮތް ލުހާންސްކް އަދި ޑޮނެސްކް އަކީ މާކުރިންވެސް މިނިވަންކަން އިއުލާނުކޮށްފަިއވާ ދެ ސަރަހައްދުކަމަށެވެ. އެހެންކަމުން އެ ދެ ސަރަހައްދަކީ މިނިވަން ދެ ސަރަހައްދުގެ ގޮތުގައި ރަޝީޔާއިން ބަލައިގަންނަ ކަމަށާއި، އަދި އެ ބަލައިގަތުމަކީ ރަޝިއާއިން މާކުރިންވެސް ކުރަންޖެހޭ ކަމެއްކަމަށެވެ. އަދި އެ ދެ ސަރަހައްދުގެ ހަމަޖެހުމަށް ރަޝީޔާގެ ސިފައިން އެ ދެސަރަހައްދަށް ފޮނުވުމަށް އަންގަވާފައިވެއެވެ.
ލުހާންސްކް އަދި ޑޮނެސްކް އަކީ 2014ން ފެށިގެން، ޔޫކްރޭނާ ވަކިވެގަތުމަށް މަސައްކަތްކުރާ އަދި ރަޝިއާގެ އެހީތެރިކަން ލިބޭ ހަނގުރާމަވެރިން ތަކެއްގެ ބާރުގެ ދަށުގައިވާ ދެ ސަރަހައްދެވެ.
President Putin has announced that Russia would recognise two breakaway regions in eastern Ukraine as independent entities.
Read more: https://t.co/XOG0cNif0g pic.twitter.com/nlS3lsYCBu
— Al Jazeera English (@AJEnglish) February 21, 2022
ރަޝީޔާގެ މިނިންމުމާ ގުޅިގެން ޔޫކްރެއިނުން ބުނެފައިވަނީ ޔޫކްރެއިންގެ މިނިވަންކަން ދިފާއުކުރުމަށް ކުރަންޖެހޭ ކޮންމެ ކަމެއްވެސް ކުރާނެކަމަށެވެ. އަދި ރަޝީޔާގެ މިނިންމުމަކީ ބައިނަލްއަޤްވާމީ ގާނޫނުތަކާ ހިލާފަށް ނިންމާފައިވާ ނިންމުމެއްކަމަށާއި އަދި މިއީ ޔޫކްރެއިން ސިޔާދަތަށް އަރައިގަތުން ކަމަށް ޔޫކްރެއިނުން ސިފަކޮށްފައިވެއެވެ.
ރަޝީޔާގެ މި ނިންމުމާ ގުޅިގެން ބޮޑެތި ގައުމުތަކުން ވަނީ މިއީ ބައިނަލްއަޤްވާމީ ގާނޫނުތަކާ ހިލާފަށް ނިންމި ނިންމުމެއްކަމަށް ބުނެ ރަޝިޔާއާ ދެކޮޅަށް ދަތިކުރުމުގެ ފިޔަވަޅު އަޅާނެކަމަށް ބުނެފައެވެ.