ތައިރޮއިޑްގެ ފަރުވާއަކަށް ރައީސް އިބްރާހިމް މުހައްމަދު ސޯލިހް ސިންގަޕޫރަށް ވަޑައިގަތުމަށް ހަމަޖެހިއްޖެއެވެ.
އެކަން ހާމަކޮށް ރައީސް ސޯލިހް ކުރެއްވި ޓްވީޓެއްގައި ވިދާޅުވީ، ޑޮކްޓަރުގެ ލަފާގެމަތިން ތައިރޮއިޑް ފަރުވާއަކަށް، މިއަދު ސިންގަޕޫރަށް ފުރާވަޑައިގަންނަވާ ކަމަށެވެ.
"މާތް ﷲގެ ވާގިފުޅާއެކު ފަރުވާގެ ކަންތައް ފުރިހަމަވެ، ލަސްނުވެ މަސައްކަތަށް އެނބުރި އާދެވޭނެ." ރައީސް ސޯލިހްގެ ޓްވީޓްގައިވެއެވެ.
ޑޮކްޓަރުގެ ލަފާގެމަތިން އަޅުގަނޑު ތައިރޮއިޑް ފަރުވާއަކަށް މިއަދު ސިންގަޕޫރަށް އެބަ ފުރަން. މާތް ﷲގެ ވާގިފުޅާއެކު ފަރުވާގެ ކަންތައް ފުރިހަމަވެ، ލަސްނުވެ މަސައްކަތަށް އެނބުރި އާދެވޭނެ.
— Ibrahim Mohamed Solih (@ibusolih) February 23, 2022
މި ފެބްރުއަރީ މަހުގެ 10 ވަނަ ދުވަހުވެސް ރައީސް ސޯލިހް ވަނީ ނުރަސްމީ ދަތުރުފުޅެއްގައި ސިންގަޕޫރަށް ފުރާވަޑައިގެންފައެވެ. އެ ދަތުރުފުޅަށްފަހު ރައީސް މާލެ ވަޑައިގެންފައިވަނީ ފެބްރުއަރީ 15 ވަނަ ދުވަހުއެވެ.