ކޮވިޑް-19 އަށް ހާއްސަކޮށްގެން ހުޅުމާލޭގައި ހެދި އާ ފެސިލިޓީ މިއަދު ހުޅުވައިފި އެވެ.
އެކަމަށް އާ ފެސިލިޓީއެއް ހުޅުވި އިރު، މި އިމާރާތަކީ ކުރިން ހުޅުމާލެ ޑިސްޓްރިބިއުޝަން ސެންޓަރުގެ ގޮތުގައި ބޭނުންކުރަމުން އައި ތަނެވެ. އަލަށް ހުޅުވި ފެސިލިޓީގެ ނަމަކީ "އިންފެކްޝަސް ޑިޒީސް މެނޭޖްމަންޓް ސެންޓަރު" އަށް ބަދަލުކޮށްފަ އެވެ.
As part of the commitment to improve the quality of care provided to Covid-19 patients, a new facility has been opened. The Infectious Diseases Mangement Center at Hulhumale' is a 272 bedded facility including 44 ICU beds. pic.twitter.com/1DswNyLh36
— Ministry of Health (@MoHmv) March 8, 2022
ހެލްތު މިނިސްޓްރީން ބުނި ގޮތުގައި ހުޅުމާލާގެ އާ ކޮވިޑް ފެސިލިޓީ އަކީ 44 އައިސީޔޫ އެނދު ހިމެނޭ އަދި 272 އެނދުގެ ތަނެކެވެ. އެތަނުން އިމަޖެންސީ އަދި އިން-ޕޭޝަންޓް ކެއާ ގެ ހިދުމަތް ވެސް ދެވޭ ގޮތަށް ހަދާފައިވާ އިރު މިހާރުގެ ކެޕޭސިޓީ އަކީ 5 އައިސީޔޫ އެނދާ އެކު 35 އިން-ޕޭޝަންޓު އެނދެވެ.
The center will provide both Emergency and in-patient care. Current functional capacity is 35 in-patient beds with 5 ICU beds. @HPA_MV pic.twitter.com/cmyDIfn3ld
— Ministry of Health (@MoHmv) March 8, 2022
ހުޅުމާލޭގައި ހުޅުވި އާ ކޮވިޑަށް ހާއްސަ އާ ފެސިލިޓީ އަކީ އެތަނުގައި ހުޅުވި މިފަދަ ދެވަނަ ފެސިލިޓީ އެވެ. މީގެ ކުރިން ހުޅުމާލޭ ޓްރީ ޓޮޕް ހޮސްޕިޓަލްގެ ކުރިމައްޗަށްވާ ގޮތަށް ހުންނަ އިމާރާތް ހުޅުމާލެ މެޑިކަލް ފެސިލިޓީ ގެ ނަމުގައި ވަނީ ހުޅުވާފަ އެވެ.