ސްޓެލްކޯ މުވައްޒަފުންގެ އިންޝުއަރެންސްގައި މިހާރު މައިންބަފައިން ބައިވެރިކުރެވޭނެ ކަމަށް އެކުންފުނީގެ މެނޭޖިން ޑިރެކްޓަރު އަހުމަދު ޝަރީފް ވިދާޅުވެއްޖެއެވެ.
ސްޓެލްކޯއިން މިއަދު ބުނެފައިވަނީ މުވައްޒަފުންގެ ކަންބޮޑުވުންތަކެއް އޮތް ސްޓެލްކޯގެ ހެލްތް އިންޝުއަރެންސް ސްކީމް ބަދަލުކޮށް، މިހާރު ވަނީ އެކަންބޮޑުވުންތަކަށް ހައްލު ހޯދާދެވިފައި ކަމަށެވެ.
އެގޮތުން ކުރިން އަމަލުކުރަމުން އައި އިންހައުސް ހެލްތު އިންޝުއަރެންސް ސްކީމުގެ ބަދަލުގައި އެލައިޑް އިންޝުއަރެންސް މެދުވެރިކޮށް، މުވައްޒަފުންގެ ހެލްތު އިންޝުއަރެންސްގެ ކަންކަން މިހާރު ވަނީ ހަމަޖައްސާފައިވާ ކަމަށެވެ.
އެކަމާ ގުޅިގެން ސްޓެލްކޯގެ އެމްޑީ ޝަރީފް ކުރެއްވި ޓްވީޓެއްގައި ވިދާޅުވީ، ސްޓެލްކޯގެ މިފަހަރުގެ އިންޝުއަރެންސް ސްކީމްގައި އެލައިޑުން ހަމަޖެހިފައިވާ އުސޫލުން، ސްޓާފް ބޭނުންވާނަމަ މަންމައާއި ބައްޕަވެސް ސްކީމްގައި ބައިވެރިކުރެވޭނެ ކަަމަށެވެ.
Mifaharu ge scheme ga Allied ga hamajehifa vaa usoolskun staff beynun vaa nama mamma aa bahpa ves scheme ga baiveri kureveyne https://t.co/O3kVIDbqeK
— Ahmed Shareef (@ShareefRangondi) March 16, 2022
ސްޓެލްކޯއިން ބުނެފައިވަނީ އިންޝުއަރެންސްގެ ކަންކަން ގެނެވުނު މި ބަދަލަށް މުވައްޒަފުން އަހުލުވެރިކުރުމުގެ މަސައްކަތް މާދަމާއިން ފެށިގެން ކުރިއަށް ގެންދިއުމަށް ނިންމާފައިވާކަމަށެވެ.