މި ރޯދަމަހު އުމްރާއަށް ދިއުމަށް ޕާސްޕޯޓު ހެދުމަށް ބޭނުންވާ މީހުންނަށް ޕޯސްޕޯޓް ހެއްުމުގައި ލުއި ގޮތްތަކެއް ހަމަޖައްސައިފިއެވެ.
އިމިގްރޭޝަނުން ބުނެފައިވަނީ ރޯދަ މަހު އުމްރާއަށް ދިއުމަށް މިދުވަސްކޮޅު ގިނަ ބަޔަކު ޕާސްޕޯޓް ހެދުމަށްއެދި ހުށަހަޅަމުން އަންނަކަމަށެވެ.
އެހެންކަމުން އެ ފަރާތްތަކަށް ލުއިފަސޭހަ ކޮށްދިނުމުގެ ގޮތުން މާޗް 17 އިން ފެށިގެން މިއަހަރުގެ ރޯދަ މަސް ނިމެންދެން ޕާސްޕޯޓް ސެކްޝަންގައި ހާއްސަ އިންތިޒާމުތަކެއް ހަމަޖައްސާފައިވާކަމަށެވެ.
އެގޮތުން އުމުރާއަށް ދަތުރުކުރައްވާ ބޭފުޅުން، އެޕްލިކޭޝަން ހުށަހެޅުމަށްފަހު ރަސްމީގަނޑީގައި މިކަމަށް ހާއްސަ ކުރެވިފައިވާ ނަމްބަރު (9199165)އަށް ގުޅުއްވުމަށް އިމިގްރޭޝަނުން އެދިފައިވެއެވެ.