ފުލުހުންގެ ބެލުމުގެ ދަށުގައި އިން ގުރައެއް އޭގެ ވެރިފަރާތް ސާބިތުކޮށް ދީފައި ގެންދަން ފުލުހުން އިއުލާންކޮށްފި އެވެ.
އެ ގުރާގެ ފޮޓޯތަކަކާ އެކު ފުލުހުން ބުނީ ފުލުހުންނާ އެ ހަވާލުކުރީ އާންމުންގެ މީހެއް ކަމަށެވެ. އެހެންވެ "ރިންގް ނެކް" ގުރާގެ ވެރި ފަރާތް ހޯދަން އާންމުންގެ ސަމާލުކަމަށް ގެނައީ އެވެ.
އާންމު ފަރާތަކުން ފުލުހުންނާ ހަވާލުކޮށްފައިވާ ''ރިންގ ނެކް'' ދޫންޏެއް ފުލުހުންގެ ބެލުމުގެ ދަށުގައި މިވަގުތު އެބައިން. މި ދޫނީގެ ވެރިފަރާތުން ގަލޮޅު ޕޮލިސް ސްޓޭޝަނަށް ވަޑައިގެން ވެރިފަރާތްކަން ސާބިތުކޮށްދިނުމަށްފަހު ދޫންޏާ ހަވާލުވުމަށް ދަންނަވަން.
އިތުރު މައުލޫމާތު: 9631696 pic.twitter.com/y41KZ9kFqo
— Maldives Police (@PoliceMv) March 28, 2022
ފުލުހުން ބުނީ އޭގެ ވެރިފަރާތުން ގަލޮޅު ޕޮލިސް ސްޓޭޝަނަށް ގޮސް ވެރިފަރާތްކަން ސާބިތުކޮށްދިނުމަށް ފަހު ގުރާ ގެންދަން އެދޭ ކަމަށެވެ. މިކަމާ ބެހޭ އިތުރު މައުލޫމާތު 9631696 އިން ހޯދޭނެ އެވެ.