"ޕޯޓް ޑިޖިޓަލްކޮށް" ނަމުގައި ވަރަށް ހާއްސަ ޑިޖިޓަލައިޒޭޝަން ކެމްޕެއިންއެއް އެމްޕީއެލްއިން ރޭ ލޯންޗް ކޮށްފިއެވެ.
ބުދަ ދުވަހުގެ ރޭ ކްރޮސް ރޯޑްސްގައި ބޭއްވި ރަސްމިއްޔާތުގައި މި ކެމްޕެއިން އިފްތިތާހުކޮށްދެއްވީ މިނިސްޓަރ އޮފް ހަޔަރ އެޑިއުކޭޝަން ޑރ. އިބްރާހިމް ހަސަންއެވެ. މި ކެމްޕޭނަކީ މި ކުންފުނީގެ މައި ބަނދަރުން ދޭ ހިދުމަތް ވީހާވެސް ފަސޭހަކޮށް މަސައްކަތުގައި ޝާމިލްވާ ފަރާތްތަކަށް ދީ، ވަގުތު ސަލާމަތްކުރުމަށް ފަށާފައިވާ ކެމްޕެއިންއެއް ކަމަށް އެމްޕީއެލްއިން މައުލޫމާތުދެއެވެ.
މުދާ ކްލިއަރކުރަން، މުހިންމު މަރުހަލާތަކެއް އޮންނައިރު، އެކަންކުރުމުގައި ގިނަ ވަގުތު ހޭދަވާކަމާއި އެއް މުއައްސަސާއިން އަނެއް މުއައްސަސާއަށް ބޭނުންވާ ހުއްދަ/ސޮއި ހޯދުމަށް ހިދުމަތް ހޯދާ ފަރާތްތަކުން ދާން ޖެހުމަކީ މި ކުންފުންޏަށް އަބަދުވެސް އަންނަ ޝަކުވާއެކެވެ.
In order to serve our clients better & improve efficiency we are pleased to announce the official launch of #PortDigitalKoh campaign. With #MyBandharu Portal we have automated & simplified current cargo clearing processes offering a paperless solution.#MPL #DigitalTransformation pic.twitter.com/cnBqABYBkP
— Maldives Ports Limited (@Portmv) March 31, 2022
އެއާއި އެކު ކުންފުނީގެ މެނޭޖުމަންޓާއި ބޯޑުން ވަނީ ހިދުމަތް ހޯދާ ފަރާތުން އުފުލަމުން ދާ ތަކުލީފުތަކަށް ހައްލެއް ހޯދައިދިނުމަށްޓައި ގިނަ މަޝްވަރާތަކެއް ކޮށް، ކުންފުނިން ދޭ ހިދުމަތްތައް ފަސޭހަކޮށް، އޮންލައިންކޮށް ދިނުމަށް ނިންމާފައެވެ.
މި ހިދުމަތް ތައާރަފްކުރުމުގެ ކުރިން މުދާ ކްލިއަރ ކުރަން ގާތްގަނޑަކަށް 6 ގަޑިއިރު ހޭދަވެއެވެ. އެމްޕީއެލްއިން މި ގެނައި ބަދަލާއި އެކު އެ މަސައްކަތައް ދާ ވަގުތު 15 މިނެޓަށް މިވަނީ ބަދަލުކުރެވިފައެވެ. މި ބަދަލަކީ އެމްޕީއެލްއިން ދާއިރާގެ ހަރަކާތްތެރިވާ ހުރިހާ ފަރާތްތަކާއި މަޝްވަރާކުރުމަށް ފަހު ނިންމި ނިންމުކެވެ.
Minister of Higher Education Dr. Ibrahim Hassan launched Digitalization Campaign of Maldives Ports Limited last night.#PortDigitalKoh #MPL #DigitalTransformation pic.twitter.com/HxHguqzqSG
— Ministry of Higher Education (@MoHEmv) March 31, 2022
މި ބަދަލުގެ ސަބަބުން، ކޮންމެ ތަނެއްގައި ހުރެމެ، އީ ގޭޓް ފާހަށް އެދެވޭނެއެވެ. އެމްޕީއެލްއިން ބުނެފައިވަނީ، އެ ކުންފުނީގެ އެންމެ ބޮޑު އަމަޒަކީ 2023 ވަނަ އަހަރާއި ހަމަޔަށް ކުންފުނި 99 އިންސައްތަ ކަރުދާހަށް ބަރޯސާނުވާ ކުންފުންޏަކަށް ހެދުމެވެ. މީގެއިތުރުން، ވޯލްޑް ބޭންކުން ނެރޭ "އީޒް އޮފް ޑުއިންގ ބިޒްނަސ" ގައުމުތަކުގެ ލިސްޓުގެ އެންމެ ރަނގަޅު 20 ގައުމު ތެރޭގައި ރާއްޖެ ހިމެނުމަށް އަމާޒުހިފާފައެވެ.
މި ހަފްލާގައި އެމްޕީއެލްގެ މައި ބަނދަރު ޕޯޓަލް އަށް ޑޭޝްބޯޑް، "ކަސްޓަމަރ ޕޯޓަލެއް ތައާރަފްކޮށްފައިވެއެވެ. މިއީ، އެމްޕީއެލްގެ ހިދުމަތް ހޯދާ ކަސްޓަމަރުންނަށް ބޭނުންވާ ހުރިހާ މައުލޫމާތު އެއްތަނަކުން ގެނައުމަށް ތައާރަފްކުރި ހާއްސަ "ކަސްޓަމަރ ޕޯޓަލް"އެއް ކަމަށް އެ ކުންފުނިން މަުއލޫމާތު ދީފައިވެއެވެ.