އެމްއެމްޕީއާރްސީގެ ބޮޑު ހިޔާނާތުގެ ތަހުގީގާ ގުޅޭ ގޮތުން ފުލުހުންނާއި އެންޓި-ކޮރަޕްޝަން ކޮމިޝަން (އޭސީސީ) އިން މަޝްވަރާކޮށްފި އެވެ.
މިއީ ކޮމިޝަނަށް އަލަށް އައްޔަންކުރެވުނު މެމްބަރުންނާ އެކު ފުލުހުންގެ ބައްދަލުވުމެއް މި ގޮތަށް ބާއްވައި މަޝްވަރާކުރެވުނު ފުރަތަމަ ފަހަރެވެ. އޭސީސީއާ އެކު ބޭއްވި މަޝްވަރާ ބައްދަލުވުމުގައި ފުލުސް ކޮމިޝަނަރު މުހައްމަދު ހަމީދާއި ފުލުހުންގެ ބައެއް އިސްވެރިން ބައިވެރިވެވަޑައިގެންނެވި އެވެ.
Commissioners met with @PGO_MV and @PoliceMv to discuss a way forward on MMPRC joint investigation. pic.twitter.com/Roa1RjLCUx
— ACC-MALDIVES (@ACC_Maldives) March 31, 2022
ފުލުހުންނާ އެކު ބޭއްވި ބައްލުވުމާ ބެހޭ ގޮތުން އޭސީސީން ކުރި ޓްވީޓެއްގައި ބުނީ ދެ ފަރާތް ގުޅިގެން ތަހުގީގު ކުރިއަށް ގެންދާނެ ގޮތްތަކާ ބެހޭ ގޮތުން މަޝްވަރާކުރެވުނު ކަމަށެވެ.
އެމްއެމްޕީއާރްސީގެ ހިޔާނާތަކީ ރާއްޖޭގެ ތާރީހުގައި މިހާތަނަށް ހިންގި އެންމެ ބޮޑު ހިޔާނާތާއި ކޮރަޕްޝަނުގެ އަމަލެވެ. އަދި މިކަން ހިނގާފައި ވަނީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ.