ކަނޑު ފަޅުތަކާއި، ކަނޑުގެ ގުދުރަތީ ވަސީލަތްތަކާ ގުޅޭ ދިރާސާތައް ކުރުމަށް ފިޝަރީޝް މިނިސްޓްރީން ދޫކުރާ ހުއްދައަށް އެދުން ފަސޭހަކޮށް ދިނުމުގެ ގޮތުން އޮންލައިން ޕޯޓަލްއެއް ލޯންޗްކޮށްފި އެވެ.
މިނިސްޓްރީން ބުނީ marineresearchpermit.egov.mv ގެ ނަމުގައި ތައްޔާރުކޮށްފައިވާ މި ޕޯޓަލް އަކީ ކަނޑުގެ ވެއްޓާ ބެހޭ ގޮތުން ކުރާ ތަހުލީލުތަކާއި ދިރާސާތައް އިތުރުކޮށް، އެގޮތުން ހޯދޭ މައުލޫމާތުތަކާއި އިލްމު އިތުރަށް މުއްސަނދިވެގެން ދިއުމުގައި މުހިންމު ދައުރެއް އަދާކުރާނެ ވަސީލަތެއް ކަމަށެވެ.
މި ޕޯޓަލްއަކީ ކަނޑުގެ ވެށްޓާބެހޭ ގޮތުން ކުރާ ތަހުލީލުތަކާއި ދިރާސާތައް އިތުރުކޮށް، މިގޮތުން ހޯދޭ މަޢުލޫމާތާއި ޢިލްމް އިތުރަށް މުއްސަނދިވެގެން ދިއުމުގައި މުހިންމު ދައުރެއް އަދާކުރާނެ ވަސީލަތެއް. https://t.co/GU5PObHrpj
— Min. of Fisheries, Marine Resources & Agriculture (@MoFMRAmv) April 1, 2022
ޕޯޓަލް ގެ މަގުސަދަކީ ރާއްޖޭގެ އިތުރުން، ދުނިޔޭގެ އެކި ކަންކޮޅުތަކަށް ނިސްބަތްވާ ޔުނިވަސިޓީތަކުންނާއި ޖަމިއްޔާ ޖަމާޢައްތަކުން ރާއްޖޭގެ ކަނޑުގެ ވެށީގެ ދިރާސާކުރުމަށް އިތުރަށް މަގުފަހިކޮށް ދިނުމެވެ.