ރާއްޖޭން މެލޭޝިއާ އަށް ކަނޑައަޅާފައި ހުންނެވި ސަފީރު ވިސާމް އަލީ މަގާމުން އިސްތިއުފާދެއްވައިފި އެވެ.
އޭނާ އިސްތިއުފާ ދެއްވި ނަމަވެސް އެކަމާ ބެހޭ އެއްވެސް ތަފުސީލެއް ނުދެއްވަ އެވެ. ޑީއާރްޕީގެ ކުރީގެ ލީޑަރު އަހުމަދު ތަސްމީން އަލީގެ އަނބިކަނބަލުން ސަފީރުގެ މަގާމު އަދާކުރައްވަމުން ގެންދެވީ 2019 އިން ފެށިގެންނެވެ.
އޭނާ މަގާމުން އިސްތިއުފާ ދެއްވުމާ ގުޅިގެން ފޮރިން މިނިސްޓަރު އަބްދުﷲ ޝާހިދު ރޭ ވަނީ މަގާމުގައި ހުންނަވައިގެން ވިސާމް ކޮށްދެއްވި ހިދުމަތްތަކަށް ޝުކުރު އަދާކުރައްވައިފަ އެވެ.
Thankyou High Commissioner @visamali for your valuable service to the country, during your tenure as High Commissioner to Malaysia.
I am grateful for your counsel and your friendship. Wish you the best in all future endeavours. pic.twitter.com/jyYLYMIEfn
— Abdulla Shahid (@abdulla_shahid) April 5, 2022
އޭނާ މަގާމުން އިސްތިއުފާ ދެއްވުމާ ގުޅިގެން މެލޭޝިއާގައި ހުންނަ ރާއްޖޭގެ ހައި ކޮމިޝަން ވަގުތީ ގޮތުން ހިންގަވާނީ ޑެޕިއުޓީ ހައި ކޮމިޝަނަރެވެ.