ސައުދީ ސަރުކާރުން ރާއްޖެއަށް އިފްތާރް ޕެކޭޖްތަކެއް ހަދިޔާކޮށްފި އެވެ.
މި އިފްތާރް ޕެކޭޖުތަކާ ރާއްޖޭގެ ފަރާތުން ހަވާލުވީ އިސްލާމިކް މިނިސްޓަރު ޑރ.އަހުމަދު ޒާހިރު އަލީ އެވެ.
އިސްލާމިކް މިނިސްޓްރީން ބުނީ މި އަހަރު ސައުދީ ސަރުކާރުން ރާއްޖެ އަށް ދީފައިވަނީ 200 އިފްތާރް ޕެކޭޖު ކަމަށެވެ. އެގޮތުން މި ޕެކޭޖްތައް ބެހުމަށް ހަމަޖެހިފައިވަނީ ފަޤީރުންގެ ތެރެއިން އެންމެ މީހުން ގިނަ އާއިލާތަކަށް ކަމަށް މިނިސްޓްރީން މައުލޫމާތު ދެ އެވެ.
ސައުދީ ރަސްގެފާނު ދެއްވާ ޚާއްސަ ''އިފްތާރު ޕެކޭޖް'' މިނިސްޓްރީ އޮފް އިސްލާމިކް އެފެއާޒާ ހަވާލުކުރައްވައިފި.
މި އަހަރު ރާއްޖެއަށް ދެއްވާފައިވަނީ 200 ޕެކޭޖް.
މި ޕެކޭޖްތައް ބެހުމަށް ހަމަޖެހިފައިވަނީ ފަޤީރުންގެ ތެރެއިން އެންމެ މީހުން ގިނަ އާއިލާތަކަށް.#MVIaffairs pic.twitter.com/95c8W4XDAw— Ministry of Islamic Affairs (@MVIaffairs) April 6, 2022
ސައުދީ ސަރުކާރުން މިދިޔަ އަހަރު ވެސް ރާއްޖެ އަށް އިފްތާރް ޕެކޭޖުތަކެއް ހަދިޔާކޮށްފައިވެ އެވެ. އަދި އެގައުމުން އަންނަނީ ކޮންމެ އަހަރަކު ރާއްޖެ އަށް ކަދުރު ވެސް ހަދިޔާކުރަމުންނެވެ.