މަސްވެރިންގެ އަޑުއެހުމަށް ގއ. ކޫއްޑޫގައި ހުންނެވިކަމަށް ފިޝަރީޒް މިނިސްޓަރު ޑރ. ހުސައިން ރަޝީދު ހަސަން ވިދާޅުވެއްޖެއެވެ.
މިނިސްޓަރު ހުސައިން ކުރެއްވި ޓްވީޓެއްގައި ވިދާޅުވެފައިވަނީ، ރާއްޖޭގެ ދެކުނަށް މަސްކިރާގޮތް ބަލާ މަސްވެރިންގެ ކަންބޮޑުވުމާއި ޝަކުވާ އަޑުއެހުމަށް ގއ. ކޫއްޑޫގައި ހުންނެވި ކަމަށެވެ.
ރާއްޖޭގެ ދެކުނަށް މަސްކިރާގޮތް ބަލާ މަސްވެރިންގެ ކަންބޮޑުވުމާއި ސަކުވާ އަޑުއެހުމަށް އައިސް ގއ. ކޫއްޑޫގައި،@MoFMRAmv @mifcomv @horizon_pvt pic.twitter.com/vzfmilim0n
— Hussain R. Hassan (@DrHussainHassan) April 9, 2022
މިނިސްޓަރު ކޫއްޑޫގައި ހުންނެވިއިރު، މިދުވަސްވަރު ދެކުނަށް މަސް ކިރާވަރު އިތުރުވެ، ގިނަ ދޯނިތަކެއް މަސް ކިރުމަށްދާތީ މިފްކޯއިން މަސް ގަންނަ އަދަދުވެސް ވަނީ ކޮންޓްރޯލް ކޮށްފައެވެ. އެގޮތުން ކޮންމެ ދޯންޏަކުން ފަސް ޓަނުގެ މަސް ކިރާ ގޮތަށް ވަނީ ހަމަޖައްސާފައެވެ.
މި ސަރުކާރުން މަސްވެރިންނަށް ގިނަ ވައުދުތަކެއް ވެފައިވާއިރުު، އެ ވައުދުތައް ނުފެއްދޭތީ މަސްވެރިންގެ ޝަކުވާ އެބައޮތްކަމަށް އެމްޑީޕީގެ ރައިސް އަދި ކުރީގެ ރައީސް މުހައްމަދު ނަޝީދު ވަނީ ވިދާޅުވެފައެވެ.